هه‌موو باخچه و شۆسته‌یێن زاخۆ دێ هێنه نووژه‌نكرن
زاخۆ، دلۆڤان هالۆ:
شڤان عه‌بدی، به‌رپڕسێ ڕاگه‌هاندنا ئیدارا سه‌ربخوه یا زاخۆ بۆ ڕۆژناما ئه‌ڤرۆ دیار كر كو هه‌موو باخچه و شۆسته‌یێن جاده‌یان ل ئیدارا سه‌ربخوه یا زاخۆ دێ هێنه نووژه‌نكرن و خه‌ملاندن، و كه‌سكاتی لێ هێته چاندن.
به‌رپڕسێ ڕاگه‌هاندنا ئیدارا سه‌ربخوه یا زاخۆ، ئاماژه ب وێ چه‌ندێ ژی كر كو گۆهدار شێخۆ، سه‌رپه‌رشتێ ئیدارا سه‌ربخوه یا زاخۆ ل گه‌ل ڕێڤه‌به‌ریا باخچه و پشكا شۆسته‌یان یێن سه‌ر ب سه‌رۆكایه‌تیا باژێڕڤانیا زاخۆ ڤه كۆمبوونه‌ك ئه‌نجام دا و گوت: “ل دووڤ ڕاسپاردا سه‌رپه‌رشتێ ئیدارا سه‌ربخوه یا زاخۆ پێدڤیه د ده‌مه‌كێ نێزیك دا هه‌موو باخچه و شۆسته‌یێن جاده‌یان د ناڤ باژێرێ زاخۆ دا بهێنه نووژه‌نكرن و خه‌ملاندن و كه‌سكاتی لێ بهێته چاندن، ده‌ردوورێن وان ژی بهێنه به‌ردان و ڕاكرن”.
