هه‌موو كه‌س نه‌شێن به‌رنامێن وه‌رزشی پێشكێش بكه‌ن
دهۆك، هه‌رهین محه‌مه‌د:
كه‌مال محه‌مه‌د شه‌ریف، پێشكێشكارێ به‌رنامێ وه‌رزشی ل دهۆك تیڤی، د دیداره‌كێ دا بۆ رۆژناما ئه‌ڤرۆ گۆت: من ده‌مێ خوه هه‌موو دایه كارێ راگه‌هاندنا وه‌رزشێ و گه‌له‌ك جاران ده‌ركه‌فتن و سه‌ره‌دانێن مال و ل گه‌ل هه‌ڤالان من پاش خستینه ژبه‌ر كارێ خوه و گه‌له‌ك جاران ژی نه نڤستیمه، بۆ نموونه قاره‌مانیا كوبا یا ئه‌مریكا ده‌مژمێر ئێك، یان دویێ شه‌ڤێ ژنوو ده‌ست پێدكه‌ن و دمینمه هشیار سه‌رخاترا كارێ خوه، له‌ورا دبێَژم راگه‌هاندنێ ژی ژیانه‌كا تایبه‌تی دایه من ژبه‌ر حه‌زا من بۆ وه‌رزشێ و ژ زارۆكینیا من و هه‌تا نوكه به‌رده‌وامم و ئه‌ڤه بۆ ده‌مێ سێزده سالایه ده‌نگو باسێن وه‌رزشی دخوینم و نڤیسین وپیشكێشكاری و دكه‌م و گه‌له‌ك جاران ژی من كارێ مونتاژێ ژی بۆخوه كریه.
كه‌مالی گۆت: ژبه‌ر حه‌زا من بۆ وه‌رزشێ ل سالا 2017 من پێشكێشی كولیژا وه‌رزشی كر و ل 2020 من ب دووماهی ئینا و بتنێ من بۆ دهۆك تیڤی كاركریه و ده‌مه‌كی دا رۆژناما وار سپورت هه‌بوو گه‌له‌ك جاران ژی من بۆ وان كاردكر و ژبلی دهۆك تیڤی راگه‌هاندنا یانا دهۆك بووم بۆ ده‌مێ سێ سالان و پێشكێشكاریا تشته‌كێ تایبه‌ته و هه‌موو كه‌س نه‌شێن ببنه پێشكێشكارێ به‌رنامێن وه‌رزشی، چونكو یێ بیته پێشكێشكارێ وه‌رزشی دڤێت حه‌زا وه‌رزشێ هه‌بیت و پێزانین ل سه‌ر وه‌رزشێ هه‌بن و پێشكێشكاریا وه‌رزشی ژ پێشكێشكاریا هه‌موو به‌رنامێن دی ب زه‌حمه‌تره، بۆ زانین كه‌نالێن ئاسمانی هه‌بووینه داخواز ژمن كرینه كو به‌رنامێن وه‌زشی پێشكێش بكه‌م، به‌لێ ژبه‌ر كاودانێن من یێن مال و ده‌واما من یا سپێدێ و و دهۆك تیڤی ئه‌و ده‌لیڤه نه‌بوو ل وی كه‌نالی كاربكه‌م.
