هه‌موو كه‌س نه‌شێن سترانا فلكلۆری یا كۆچك و دیوانان بێژن
مه‌جید كاروكی، سترانبێژێ كوچكۆ دیوانان د دیداركێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: ژمێژه‌یه سترنان دبێژم و هنده‌ك سترانان دبێژم پشتی من كه‌سێ ئه‌و ستران نه‌گۆتینه وه‌كو سێلم ئاغا و قه‌رو قه‌مبه‌ران و سترانا سێلم ئاغا من ژ سترانبێژه‌كی گرتیه ل شكاكا و ل ئه‌وی ده‌می چوومه شه‌هیانه‌كێ و من بخوه ژ ئه‌وی گرت و سترانا قه‌رو قه‌مبه‌رانی من ژ سه‌عیدێ بێزه‌لی و ئسماعیل كاڤلكی گرتیه و سترانا فلكلۆری یا كوچكو دیوانان تامه‌كا تایه‌ت هه‌یه و هه‌موو كه‌س نه‌شێن بێژن و هه‌تا نوكه ژی گۆهدارێ وێ یێ هه‌ی و دزێده‌وونێ دایه و نه‌خاسمه ل ڤێ دووماهیێ گه‌نجێن سترانبێژ خوه هاڤێتیه دمه‌یدانێ دا و سترانان دبێژن.
كاروكی گۆت: به‌ری نوكه مه تیپا داسنیا هه‌بوو هه‌موو سترانبێژ دهاتنه وێرێ ئێك و دوو دیت و ده‌مێ خوه دبوراند ب ستران گۆتنێ ڤه، به‌لی َنوكه مه چ جه نینن ئه‌م لێك كومڤه بین و سترانان بێژینن به‌لێ جارجاران ئه‌م هه‌ر دچینه سه‌ره‌دانا ئێك و دوو وه‌كو كاك مه‌سعود نێروه‌ی و فتاح و نوره‌دین و دڤێت هه‌رجهه‌ك هه‌بیت ئه‌م لێك كومڤه بین وه‌كو مالا ده‌نگ بێژان ل دیاربه‌كرێ و داخازێ ژ جهێن به‌رپرس دكه‌م ئه‌ڤێ چه‌ندێ به‌رچاڤ وه‌رگرن داپتر بشێن خزمه‌تا سترانا كوردی یا فلكلۆری بكه‌ین.
