هه‌ولێرێ ئاریشا راهێنه‌رێ خوه چاره‌سه‌ر كر
ئه‌ڤرۆ، هه‌ولێر، سولین سلێمان
ل سه‌ر سكالا راهێنه‌رێ به‌رێ یێ تیما ته‌پا پێی ئه‌یوب ئۆدیشۆیی یانا هه‌ولێر ئێخست بوو لبن گه‌ڤێن دووركه‌فتنێ بۆ وه‌رزێ نوو یێ خولا پلا ئیراقێ دا ئه‌وێ ب ڕێیا ئێكه‌تیا ئاسیا داخوازا قه‌رێن خوه یێن مایی ژ یانێ كربوون كو دگه‌هشتنه 395 ملیۆن دیناران، لێ به‌ری دووماهی هاتنا موله‌تا ده‌ستنیشانكری ئه‌و ئاریشه هاته چاره‌سه‌ر كرن.
ئه‌حمه‌د شكور ئه‌ندامێ كارگێریا یانا هه‌ولێرێ بۆ رۆژناما ئه‌ڤرۆ دیاركر ئه‌وان ئاریشا راهێنه‌رێ به‌رێ چاره‌سه‌ر كر و ئه‌و شایسته‌یێ راهێنه‌ر ئه‌یۆب ئۆدیشۆیی داخواز كری ئه‌وێن هه‌ر ژ 2013 هه‌تا 2015 وه‌كو قه‌ر ماینه ل سه‌ر یانێ هاتنه دابینكرن به‌ری بكه‌ڤینه د چو ئاریشێن نه پشكداریێ د خولا پلا نایابا ئیراقێ دا.
هه‌روه‌سا ناڤهاتی گۆت: قه‌رێ مایی یێ راهێنه‌ری به‌رێ ئه‌یۆب ئۆدیشۆ 395 ملیۆن دینارن و به‌ری ژڤانێ هاتیه ده‌ستنیشانكرن ژلایێ دادگه‌ها كاس كو 48 ده‌مژمێر بوون مه شیا دابینبكه‌ین، د نوكه دا ئه‌م گه‌هشتینه دووماهی قۆناغێن به‌رهه‌ڤیا بۆ وه‌رزێ نوو یێ خولا پلا نایابا ئیراقێ و رژدین بۆ هه‌ڤڕكیێ ل سه‌ر رێزێن پێشیێ بكه‌ین.
