ههژمارهكا مینان ل چیایێ گارهی هاتنه ژناڤبرن
ئامێدیێ، مهحمود نهێلی:
رێڤهبهریا كاروبارێن مینان ل دهۆكێ دهست ب راكرنا مینان د ئێك ژ مهزنترین زهڤیێن مینان دا كریه ل دهڤهراریا ئامێدیێ و ههتا نوكه ههژمارهكا مینان دهرئیناینه و ژناڤبرینه.
رێگر بێسفكی، بهرپرسێ راگههاندنا رێڤهبهریا كاروبارێن مینان ل دهۆكێ بۆ رۆژناما ئهڤرۆ دیار كر، نوكه سێ تیمێن سهر ب رێڤهبهریا وان كار د زهڤیهكا مینان دا دكهن ل چیایێ گارهی یێ گرێدیی دهڤهرداریا ئامێدیێ و گۆت: ئهڤه ئێك ژ مهزنترین زهڤیێن مینایه ل سنوورێ دڤهرێ، كو دهست ب پاڤژكرنا وێ هاتیه كرن و رووبهرهكێ برفرههـ ب خوهڤه دگریت”.
ئاشكرا ژی كر، ههتا نوكه ههژماركا مینان، كو ل دهوروبهرێن رهبیێن كهڤنێن سهردهمێ رژێمێ ل چیایێ گارهی ئیناینه دهر و ژ لایێ تیمێن وان ڤه هاتینه ژناڤبرن و گۆت: “رووبهرهكێ زۆرێ زهڤیێن مینڕێژكری ل چیایێ گارهی ههیه و نوكه سێ تیمێن مه د ناڤ وان زهڤیان دا كار دكهن ژ پێخهمهت پاقژكرنێ و رادهستكرنا وان زهڤیان بۆ خودانێن وان”.
