هه‌ڤالا من ب خه‌له‌تيڤه بۆ من گۆتبوو كچه‌كا ديتر
ئه‌ڤرۆ نيوز:
قوتابیەکێ زانکویێ دلێ خوە بۆ رۆژناما ئەڤرۆ ڤەدکەت و دبێژیت: ئەز گەنجەکێ 23 سالی مە و ل قووناغا دوێ دخوینم حەز ژ کچەکێ دکەم کو ئەو ژی ھەر ل گەل منە ل زانکویێ ئەڤجا من پار گوتە ھەڤالەکا خوە بو من بێژێ لێ بەرسڤ بو من ئینا کو یا گوتی ئەز حەز ژێکرنێ ناکەم، بەس من ھەر دڤیا و ئەڤ سالە من گوتە ھەڤالەکا دی ھەرە بو من بێژێ بەلکی پار ئەز باش نەنیاسیبم یان خوە گران دکەت ھەڤالا من چو و گوتێ ئەز ھەر بو وی کورکی یا ھاتیم ئەوێ پار بخو گوتیە تە وێ گوت نەخێر تشتەکێ ھوسا دگەل ھەڤالا من چێببوو.
ھەڤالا من ھات گوتە من وێ ھوسا بەرسڤا من دایە من ژی گوتێ کا نیشا من بدە تە گوتیە کیژ ژ وان چونکە دوو کچ د گەل مەنە ناڤێن وان وەک ئێکن بەلکی تە گوتبیتە ھەڤالا وێ پشتی نیشا من دايی یا ئەو بو ئەوا من ڤیایی لێ پشتی من دووڤچون کری دەرکەفت ھەڤالا من یا پار بو من گوتبوو ھەڤالا وێ نە وێ ب خوه من ژی گوتێ ھەرە بێژێ ئەز یا خەلەت بوویم نە بەحسێ تە بو ھەڤالا من چو گوتێ لێ وێ گوت ئەم نە دخشیمین پاشی من بۆ خوه دو سێ جارا گوتە وێ ئەوا ئەز حەز ژێ دکەم خەلەتی بوو ئەز حەز ژ تە دکەم لێ وێ گوت ئەز باوەر ناکەم پار ھەڤالا من و ئەڤ سالە ئەز ھەر جارەکا من ڤیایی گەل باخڤم ھەڤالا وێ بویە رێگر و حەتا جارەکی رازی ببو کو لگەل ئیک باخڤین و جارەکا دی لێڤە بو ئەڤە ھەموو کارتێکرنا ھەڤالا وێ بو چونکە سەرەرای من چەند جارا گوتە ھەڤالا وێ توخوشکا منی و بو زانین ئێکەم جارە دلێ من دکەڤیتە کچەکێ و من گوتێ ژی ھەردو سالێت بێت ژی دێ لھیڤیا تە بم ھەرگاڤا بیت ئەز یێ ئامادەمە ئەڤجا ھیڤیدارم ھون چ دبێژن و ئەز چ بکەم؟
گەنجێ ھێژا :
١-قوناغا زانکویێ یا گرنگە بو ھەردو رەگەزا کو ژلایێ میشکی ڤە دگەھن ھەر وەسا بو وان جیھانەکا نویە نەمازە گەلەک ژ وان تێکەلی رەگەزێ دی نەبوینە لەوما دەم پێ دڤێت دا بکارن بگونجن دگەل ڤان گوھورینا، ئەڤجا دبیت چەندەک بکەڤنە دشاشیان دا لەوما گەلەک یاگرنگە سەنتەرەکێ دەروونی ھەبا ژبو پێشکێش کرنا خزمەتێن پێدڤی بو قوتابیان بەلێ جھێ داخێ یە ھەتا نوکە ئەڤ سەنتەرە نینە ھەر وەسا براستی سیستەمێ زانکویێ بدیتنا مە ژڤی لایێ ڤە کێم وکاسی گەلەک تێدا ھەنە و پێدڤیە قوتابیێ زانکویێ شیان ھەبن کو بەرانبەری ھەڤالێ خوە براستیت و ناما خوە ب ئاشکەرایێ بگەھینتە کەسانێن دی دا بخەلەتیڤە نەھێتە ڤەگوھاستن نەمازە ئەگەر مەرەمێن پاک د دووڤدا ھەبن و دیری بورینا وەختی بیت ژلایێ گەنجی ڤە، ئەڤجا ویرەکیێ بدەخو و نامێن خوە بگەھینە ھەر لایەکی و باشترە تو بخو دیتنێن خوە بو لایێ دی دیار بکەی و دیر کەڤە ژ مەترسیا بەرسڤێن نەرێنی ژبەرکو دڤێت ئەم د ئاماد ەبین کو دژیانێ دا ھەموو کار د ئەرینی نابن و بزانین چ کێماسی دوێ چەندێ دا نینە و دڤێت مروڤ بەردەوامیێ بدەتە ھەڤالینیێ و ئەڤ چەندە جوداھیا قوناغا زانکویێ یە ژ قوناغێن دی.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
