هه‌ڤپه‌یمانان 33 چه‌كدارێن داعش كوشتن
ئه‌ڤرۆ نیۆز، قائید میرۆ
فڕۆكه‌یێن هه‌ڤپه‌یمان هژماره‌ك بنكه و باره‌گایێن تیرۆرستێن داعش ل مووسل و ده‌وروبه‌را كرنه ئارمانج و 33 تیرۆرست هاتنه كوشتن.
ژێده‌ره‌كێ ئاگه‌هدار ب ئه‌ڤرۆ نیۆز راگه‌هاند” ئه‌ڤرۆ فڕۆكه‌یێن هه‌ڤپه‌یمانان هژماره‌ك بنكه‌و باره‌گایێن تیرۆرسیتێن داعش و ل مووسل و ده‌وروبه‌را بۆردۆمانكرن ژوانا كاروانه‌كێ ترۆمبێلێن داعش ل گوندێ بارینه ناوه‌ران و ل گوندێ عاشق ل میحوه‌رێ كه‌سكێ و چه‌ندین بنگه‌هێن داعش ل سه‌نته‌رێ باژێڕی مووسل بووینه ئارمانجێ فڕۆكه‌یێن هه‌ڤپه‌یمانان.
ژێده‌ری ئاشكراكر، ب ئه‌گه‌رێ ئه‌ڤان بۆردومانێن ئه‌ڤرۆیێن هه‌ڤپه‌یمانان بۆسه‌ر تیرۆرستێن داعش 33 چه‌كدارێن داعش هاتینه كوشتن و شه‌ش ترۆمبێل ژی هاتینه ژناڤبرن، ئه‌ڤه ژبلی زیانێن ماددی كو به‌ر بنكه و باره‌گایێن داعش كه‌فتینه و چه‌ندین باره‌گا هاتینه وێرانكرن.
