هه‌ڤژینا تره‌مپی پارەیە‌كێ نوو راگه‌هاند
خاتینا ئێكێ یا ئه‌مریكا و هه‌ڤژینا سه‌رۆكێ وێ دونالد تره‌مپ، پارێ خوه یێ ژماره‌ی یێ ڤه‌شارتی ئه‌وێ ب ناڤێ MELANIA $ ئه‌وێ هه‌ڤده‌م ل گه‌ل دانانا تره‌مپ وه‌كو سه‌رۆكێ ئه‌مریكا كه‌فتیه بازاری.
ل رۆژا ئه‌ینیا بوری، تره‌مپ ب خوه سیمبولێ وێ هنارت، پێكهاتیه ژ وێنه‌كێ تره‌مپ كولاڤێ خوه راكریه. هه‌ر ئه‌و كولاڤه یێ د ده‌ستی دا ل ده‌مێ ل تیرمه‌ها بۆری تووشی ده‌ستدرێژیا گوله‌یان بووی ل ده‌مێ بانگه‌شه‌یا هه‌لبژارتنێن وی ل ویلایه‌تا په‌نسلڤینیا.
پارێ ئه‌لكترۆنی یێ میمی یێ به‌رنیاسی ب “meme coins” و ئه‌و پاره‌كێ گریمانی یێ به‌رۆڤاژی یه ل سه‌ر وان میمان یێن ل سه‌ر ئه‌نترنێتێ به‌لاڤ دبن.
وێنێ میلانیا ژی دشیان دایه ب رێیا مالپه‌رێ melaniameme.com، هه‌ڤژینا سه‌رۆك كۆمارێ ئه‌مریكا ل سه‌ره ب ره‌ش و سپی و ده‌ستێ خوه دایه به‌ر چاڤێن خوه دا كو پشكه‌ك ژ دێمێ وێ ده‌رنه‌كه‌ڤیت.
هه‌ر چه‌نده ل ده‌ستپێكێ گه‌له‌ك پێش ڤه هات، به‌لێ د ماوێ 24 ده‌مژمێرێن بوری دا ل ده‌مێ چێكرنا ڤێ راپۆرتێ 37% ژ بهایێ خوه ژ ده‌ست دابوو.
