ههڤژینا من وهكو ئهكتهر ل گهل من پشكداری د گهلهك درامایان دا كریه
هێلین سالم:
مههدی مونیر، سهرۆكێ تیپا بزاڤ یا شانۆ و دراما و سینهمایێ ل زاخۆ، د دیدارهكێ دا بۆ رۆژنامهیا ئهڤرۆ گۆت: ههر ژ دامهزراندنا ڤێ تیپێ ل سالا (1987) ههتا ئهڤرۆ ڤێ تیپێ ب دههان فلم و زنجیره و دراما چێكرنه و رۆلهكێ كاریگهر ههبوویه د پێشڤهبرنا بزاڤا هونهری دا ل سنۆرێ ئیدارهیا سهربهخۆیا زاخۆ و بۆ دهمێ بهێت ژی وهك هزر چهندین پلان دڕێ دا ههنه و دێ د بهردهوام بین.
ههروهسا گۆت: گرنگترین كارێ تیپا مه د چهند سالێن بۆری دا ئانكو ژ (2010) ههتا (2023) وهره ئهو بوو مه زنجیره درامایهك ب ناڤێ (خۆدیك) چێدكر و وێ درامایێ دهنگڤهدانهكا باش ههبوو، چنكو ناڤهرۆكا ههر خهلكهكێ ل سهر بابهتهكێ دچڤاكی رهخنهی بوو، ئهكتهرێن پشكدار ژی ژ دهۆك و زاخۆ و سێمێلی و ههولێر و سلێمانیێ و رۆژئاڤایێ كوردستانێ و گهلهك جهێن دی بوون و پڕانیا وان ژی وهك تیمهك ب خۆبهخشی كاردكرن، ههلبهت بۆ رهمهزانا بهێت ژی (15) خهلهكه كو ههموو ژنڤیسین و دهرهێنانا منن بۆ وێنهكرنێ د ئامادەنە و ئهكتهر ژی مە ئامادەکرینە مه ل بهر بوو بهری ههیڤهكێ دهست ب وێنهكرنێ بكهین دا بهری ههیڤا رهمهزانێ بۆ نیشادانێ دحازربن، لێ مخابن ههتا نوكه مه دهستپێ نهكریه، چۆنكو ئهم پێدڤی ب كامیرهكێ ینه بۆ وێنهكرنێ و گیرۆبوونا كامیرێ بوویه ئهگهر كو ههتا نوكه ئهم نهشیاینه دهست ب وێنهكرنێ بكهین و وهكو مهگۆتی كارێ مه ژی ب خۆبهخشیه مه ئهو شیان نینن كامیرهیهكێ كرێ بكهین.
ههروهسا سهرۆكێ وێ تیپێ گۆت: نوكه گرۆپێ مه نێزیكی (100) ئهندامان ههنه و وهكو مهگۆتی پڕانیا وان دلسۆزێن بزاڤا هونهری نه و حهزدكهن د بوارێ شانۆ و مۆزیك و دراما و سینهمایێ دا خزمهتا باژێرێ خوه، ههروهسا هونهرێ كوردی بكهن، لهورا ب خۆبهخشانه كاردكهن و گهلهك ئهكتهر ژ دهۆك یان سێمێلێ هاتینه و ههتا هاتنوچوونا وان ژی ل سهر كیستێ وان بوویه.
ل دووماهیێ هونهرمهند (مههدی مونیر) سهرۆكێ تیپا بزاڤ یا شانۆ و دراما و سینهمایێ ل زاخۆ، گۆت: مخابن ههتا نوكه وهكو پێدڤی پشتهڤانیا گرۆپێ بزاڤ نهكرینه، لهورا وهك پێدڤی ئهم ژی نهشیاینه دبوارێ هونهری دا خزمهتا باژێری خوه بكهین و بۆ زانین ههڤژینا من ژی وهكو ئهكتهر ل گهل من پشكداری د گهلهك زنجیره درامایان دا كریه و ئهوێ پشتا من بهرنهدایه.
