هه‌یڤا بهێت به‌نداڤا خه‌نس دێ تمام بیت
شێخان، بارزان مزووری:
سه‌رپه‌رشتێ پڕۆژه‌یێ به‌نداڤا خه‌نس بۆ رۆژناما ئه‌ڤرۆ دیار كر، به‌نداڤا خه‌نس ب بڕیارا سه‌رۆكێ حكومه‌تا هه‌رێما كوردستانێ یا دهێته تمامكرن و نوكه ب رێژا 92% كار ل سه‌ر ب دووماهی هاتیه و دبێژیت: بریاره د مه‌ها گۆلانێ یا ئه‌ڤ ساله دا ب دووماهی بهێت و بهێته پڕكرن، به‌نداڤ دێ سیمایه‌كێ جوان ده‌ته جهێ شوونواری یێ خه‌نس و د بیاڤێن چاندن و گه‌شتیار ژی دا مفا دێ ژێ هێته وه‌رگرتن.
ئه‌ندازیار عه‌بدولقادر محه‌مه‌د سالح، سه‌رپه‌رشتێ پڕۆژه‌یێ به‌نداڤا خه‌نس گۆت: “به‌نداڤا خه‌نس، ب به‌نداڤا ئێكێ ل سنوورێ قه‌زا شێخان و ده‌وروبه‌ر دهێته هژمارتن، ده‌مێ شه‌ش سالان بوو، ئه‌ڤ پرۆژه ژ ئه‌گه‌رێ قه‌یرانا دارایی هاتبوو راوه‌ستاندن، به‌لێ ب مه‌ره‌ما رێگرتن ل هشكه‌سالیێ، سه‌رۆكێ حكومه‌تا هه‌رێما كوردستانێ بڕیار دا، كو سێ به‌نداڤ ل هه‌رێمێ بهێنه تمامكرن و ئێك ژ وان یا خه‌نس بوو”.
ناڤهاتی گۆتژی: “گوژمێ نه‌ه ملیار و 218 ملیۆن دیناران یا دهێته تمامكرن، بلنداهیا وی 34 مه‌ترن و درێژاهیا وێ 145 مه‌ترن و د شیان دایه نێزیكی شه‌ش ملیۆن موكه‌عه‌بێن ئاڤێ كۆم بكه‌ت”.
