هوزانی سێ كۆنسێرت ل سویسرا گێڕان
ئه‌ڤرۆ:
ب هه‌لكه‌فتا هاتنا سه‌رێ سالا نوو یا زاینی 2022 سترانبێژ (هۆزان كاوه) سێ كۆنسێرت ل سویسرا گێڕان، سترانبێژێ ناڤهاتی ڤیدیۆیه‌ك د لاپه‌رێ خوه یێ تایبه‌ت دا ل تۆرا جڤاكی یا فه‌یسبووكی به‌لاڤكریه و ئاماژه دایه وێ چه‌ندێ كو ل رۆژێن بۆری وی كۆنسێرته‌ك ل باژێرێ زیوریخ و ئێك ژی ل باژێرێ باسل گێڕان و كۆنسێرتا خوه یا سێیێ ژی ل باژێرێ بێرنی گێڕا و د ڤان كۆنسێرتان دا چه‌ندین سترانێن خوه یێن كه‌ڤن و نوو پێشكێشی حه‌ز ژێكه‌رێن ده‌نگێ خوه كرن.
هوزان كاوه ل گوندێ پاكاسێ یێ سه‌ر ب موشێ ڤه ل باكوورێ كوردستانێ ژدایكبوویه، خودانێ چه‌ندین ئه‌لبۆم و سترانایه، دووماهی به‌رهه‌مێ خوه بناڤێ (كه‌كێ من) ل هه‌یڤا ته‌مووزا ئه‌ڤ ساله به‌لاڤكریه.
