هوزانێن هه‌موو قوتابیان ل سه‌ر به‌رخودانا پێشمه‌رگه‌ى بوو
ئه‌ڤرو نیوز ،بارزان مزوورى
ل ژێر چاڤدێریا “ئیسماعیل مسته‌فا” قائیمقامێ قه‌زا شێخان په‌روه‌دا قه‌زا شێخان پشكا چالاكیێن قوتابخانا ڤیستڤالا سالانه یا هوزان خاندنێ بو گشت قوتابخانێن ئاماده‌ى و بنه‌ره‌ت ل هولا په‌روه‌ردا شێخان گێرا.
ئه‌سعه‌د محى الدین ، رێڤه‌به‌رێ په‌روه‌ردا قه‌زا شێخان بو مالپه‌رێ ئه‌ڤرو نیوز دیار كر كو ئه‌ڤ ڤیسته‌ڤاله سالانه دهێته ئه‌نجام دان بو وان قوتابیێن حه‌زا گوتنا هوزانێ هه‌ى به‌س ئه‌ڤ سال یا جیاواز بو دگه‌ل سالێن بورى چونكو هه‌ر قوتابیه‌كێ به‌شدار هوزانا وى ل سه‌ر قاره‌مانیا پێشمه‌رگه‌ى بوو.
ناڤبرى دیار كر كو 23 قوتابخانێن ئاماده‌ى و بنه‌ره‌ت به‌شدارى دڤێ ڤیسته‌ڤالێدا بون و دوماهیا ڤیسته‌ڤالێ ئه‌و قوتابیێن به‌شدار د گوتنا هوزانێ دا هاته هه‌لسه‌نگاندن و هه‌رسێ قوتابیێن سه‌ركه‌فتیێ ئێكێ و دووێ سیێ قوناغێن ئاماده‌ى و بنه‌ره‌ت هاتن خه‌لات كرن .