هوزەڤان زاهد: یاریزان ئەگەرێ لاوازییا ئەنجامێن تیمێ یە
رەمەزان زەكەریا
د داخویانیەكێدا سەرپەرشتێ تیما فوتبۆلا یانەیا ئاكرێ یا وەرزشی ئاشكراكر ئەنجامێن ڤێ دووماهیێ یێن تیما وان ب نۆرمال وەرگرتینە سەركەفتن، وەكهەڤی و سەرنەكەفتن ژی هەبوونە، ل قۆناغا ئێكێ ئەنجامێ پێنج یارییا مە سێ خال هەبوون، پاشی یانەیێ شەش سەركەفتن ل دووڤ ئێك تۆماركرن و نوكە ئاستێ یاریزانا وەك پێدڤی نینە ڤێ چەندێ ژی هۆكارێن خوە هەنە كو یانەیێ دو یاری دناڤ تەقنێ دا ئەنجامدان ئەڤە پشكەكا ئەگەرا بوون بۆ خرابیا ئەنجامان، ب هیڤینە بۆ یاریێن بهێت ئەنجامێن باش ب دەستڤە بینین.
زێدەتر هوزڤان زاهد بۆ ئەڤرۆ گۆت: ژبەر خرابیا ئەنجاما كەس نەهاتیە سزادان ژ یاریزان و دەستەیا كارگێری مە ئەنجام ب روحیەتەكا وەرزشی وەرگرتینە و چاڤەرێ دكەین ئاستێ یانەیێ وەك بەرێ ب زڤرینین ڤە، هێشتا ب هیڤینە بۆ هەڤڕكیا ب دەستڤەئینانا ناسناڤێ خولێ هەتا دووماهیێ دێ بەرەڤانیێ كەین و هیچ شێوەكی دەستەیا كارگێریێ هزر د گۆهڕینا راهێنەرێ دا نەكریە و دێ هەژار سابر سەرپەرشتیا تیمێ كەت وەكو راهێنەر، هەتا نوكە چو دەنگو باس نینە ل سەر گوهۆڕینا وی.
ناڤهاتی خویاكر: تەمامنەبوونا یاریگەها ئاكرێ كاریگەریەكا مەزن ل سەر ئاستێ یانەیێ دروستكریە، دو یاریان دا سترێس بۆ یاریزانا دروستبوو كا یاری دێ ل كیڤە هێنە ئەنجامدان، دەمێ حەفت رۆژان دا ب تنێ یانەیێ ئێك رۆژ راهێنەر ئەنجامداینە ل ناڤ یاریگەهەكا بچوویك دا ئەڤێ چەندێ گەلەك كاریگەری ل سەر ئاستێ یانەیێ دروستكر، ئەگەرێ خرابێ ئاستێ یانەیێ بۆ یاریزانا زڤریت ژبەركو یانەیێ هەموو پێدڤیێن وان بەرهەڤكرینە هەموو داخوازیێن وان بجهئیناینە ل یارییێن بووری هندەك یاریزان ل ئاستێ پێدڤی نینە.
