هونه‌رمه‌نده‌كێ دهۆكێ پشكداری پێشانگه‌هه‌كا شێوه‌كاری ل هه‌له‌بجه بوو
دهۆك، نه‌وزاد هلۆری
ب مه‌ره‌ما هه‌ڤنیاسین و زێده‌تر گرنگیدان ب شیانێن هونه‌ری، پێشانگه‌هه‌كا هه‌ڤپشك بۆ هژماره‌كا هونه‌رمه‌ندان ل هه‌له‌بجه هاته ڤه‌كرن و هونه‌رمه‌نده‌كێ دهۆكێ ژی پشكداربوو سێ خه‌لاتێن رێزلێنانێ ده‌ستخوڤه ئینان
ئه‌میر مزیری، هونه‌رمه‌ندێ شێوه‌كار ژ دهۆكێ بۆ ئه‌ڤرۆ گۆت: پێشانگه‌هه‌كا شێوه‌كاری یا به‌رفره‌ه ل باژێرێ هه‌له‌بجه هاته ڤه‌كرن كو تێدا هژماره‌كا هونه‌رمه‌ندێن شێوه‌كاری ل ده‌ڤه‌ر و باژێرێن جودایێن هه‌رێما كوردستانێ پشكدارببوون، ئه‌ز ژی وه‌كو شێوه‌كاره‌كێ دهۆكێ پشكدارێ پێشانگه‌هێ بووم ، مه‌ره‌م ژ پێشانگه‌هێ هه‌ڤنیاسین و هه‌ڤكاریێن زێده‌تربوو دناڤبه‌را هونه‌رمه‌ندان بۆ پێشخستنا شیانێن وان دوارێ هونه‌ری دا ب تایبه‌تی هونه‌رێ شێوه‌كاری، سوپاس بۆ خودێ ب چه‌ند كه‌ڤاله‌كا ئه‌ز پشكداربووم و ل دووماهیێ ژی سێ خه‌لاتێن رێزلێنانێ ب من هاتنه‌دان.
