هونه‌رمه‌ند دشێن په‌یامێن مرۆڤایه‌تیێ بگه‌هینن
ئاكرێ، ره‌مه‌زان هه‌رنی:
وێنه‌كێش بلند ئحسان، د دیداره‌كێ دا بۆ رۆژناما ئه‌ڤرۆ گۆت: دژیێ حه‌فت سالیێ دا ئه‌ز ل به‌ر ده‌ستێ بابێ خوه فێری چێكرنا وێنه و كه‌ڤالان بووم، ژبه‌ركو بابێ من شێوه‌كار بوو ل مالا كاردكر، به‌رده‌وام من چاڤدێریا كارێن وی دكر بۆ وێ چه‌ندێ دا فێر ببم، ئه‌و ژی یێ هاریكاربوو، له‌ورا ئه‌ز شیام ده‌ست پێ بكه‌م و پتریا كه‌ڤالێن من بۆ زارۆیانه، چنكو وێنێن كه‌سایه‌تیێن فلم كارتونان چێدكه‌م، ژوانا تۆم و جێری و گه‌له‌كێن دی.
بلندی گۆت: هه‌تا نوكه من پشكداری د پێنج پێشانگه‌هان دا كری یه و سێ خه‌لاتێن نێڤده‌وله‌تی وه‌رگرتینه و ده‌مێ ئه‌ز ل قوتابخانێ بم گرنگیێ د ده‌مه خواندنێ، به‌لێ ده‌مێ بێنڤه‌دانێ ل گه‌ل بابێ خوه دروونم و كارێ هونه‌ری دكه‌م و من دڤێت ب رێیا چێكرنا كه‌ڤالان خزمه‌تا هونه‌رێ كوردی و وه‌لاتێ خوه بكه‌م، چنكو كارێ هونه‌ری كاره‌كێ پیرۆزه و هونه‌رمه‌ند دشێن ب رێیا به‌رهه‌مێن خوه په‌یامێن مرۆڤایه‌تیێ بگه‌هینن.
