هونه‌ر بوو هه‌لبژارتیێ ئیراقێ هاتیه داخوازكرن
ئه‌ڤرۆ،
یاریزانێ تیما كاراتێ یا یانا سه‌نحاریب هونه‌ر جه‌بار ب فه‌رمی هاته داخوازكرن بۆ ناڤ رێزێن هه‌لبژارتیێ ئیراقێ وه‌كو یێ ئێكانه ژ پارێزگه‌هێ و شیایی د ڤاڤارتنێن دووماهیا قاره‌مانیێ دا پلا ئێكێ ل سه‌ر ئاستێ كێشا 60كگم بۆ ژیێ لاوان.
لدور ڤێ یه‌كێ یاریزانێ ناڤهاتی بۆ رۆژناما ئه‌ڤرۆ دیاركر ئه‌و كه‌یفخووشه وه‌كو یاریزانێ ئێكانه یێ پارێزگه‌هێ و یانا سه‌نحاریب چوویه د ناڤ رێزێن هه‌لبژارتیێ ئیراقێ دا و ئه‌ڤچه‌نده ژی ب سانه‌هی نه‌بوو به‌لكو ب زه‌حمه‌ته‌كا مه‌زن ل گه‌ل راهێنه‌رێ خوه د ڤاڤارتنێن دووماهیێ دا سه‌رباری ئه‌م سێ یاریزانێن یانێ بووین لێ رژدی و ئارمانجێن من شیام بگه‌همه هیڤیێن خوه ژبه‌ركو دێ هه‌لبژارتیێ ئیراقێ پشكداری قاره‌مانیێن نێڤده‌وله‌تی و عه‌ره‌بی بیت.
ناڤهاتی ژی دیاركر ئه‌وی پشكداری ڤاڤارتنێن دووماهیێ ب كێشا 60كگم ل سه‌ر ئاستێ لاوان كر كو 13 یاریزانا هه‌ڤڕكی دكرن و رێزا ئێكێ ب ده‌ستخوه‌ڤه بینت و گۆت: پشتی هاتینه داخوازكرن بڕیاره د ده‌مێن بهێت دا كه‌مپه‌كێ راهێنانێ بهێته دانان پێخه‌مه‌ت ئه‌و یاریزانێن ئێكێ و دویێ بهێنه پارڤه‌كرن ل سه‌ر قاره‌مانیێن داهاتی.
