هونەرمەندێن بەرێ هاتینە پشت گوهخستن
ئەڤرۆ
شاكر ئەتروشی:
لێدەرێ ریتمێ (هەندرێن هاشم لەتیف) د دیدارەكێ دا بۆ رۆژناما ئەڤرۆ گۆت: ل سالا 1990 من دەست ب لێدانا تۆمبلكێ (ئیقاعێ) كریە و هەتا نوكە یێ بەردەوامم و ئەندامێ تیپا هونەرێن مللی بووم، د ماوێ بۆری دا من دگەل گەلەك هونەرمەندێن مەزن كاركریە، ژوانا ( محمەمەد عارفێ جزیری، عارەب عوسمان، نوری گەرمیانی، موزەفەر سۆرچی) و گەلەكێن دی و نوكە ژی بەردەوام د چمە ئاهەنگ و بەرنامێن هونەری.
ناڤهاتی، كو نوكە فەمانبەرە ل رێڤەبەریا رەوشەنبیری و هونەری ل هەولێرێ، گۆت: كوڕێ من (هونەر) دەنگێ وی یێ خۆشە و حەزا سترانگۆتنێ هەیە، دێ بزاڤێ كەم ب هەموو شیانێن خوە پشتەڤانیێ لێ كەم، لێ مخابن هەتا نوكە ل وەلاتێ مە هونەر نەبوویە ژێدەرێ پەیداكرنا ژیارێ بۆ هونەرمەندی و زارۆیێن وی و ئەم ئەوێن بەرێ ژی هاتینە ژ بیركرن و كەسێ ئاگەه ژ مە نینە، چنكو هەتا نوكە مە هندەك هونەرمەند هەنە گەلەك خزمەتا هونەرێ كوردی یا كری، لێ مخابن بارێ ئابووری یێ وان یێ لاوازە و هندەك ژێ كرێدارن، لەورا دبێژم هونەرمەندێن بەرێ هاتینە پشت گوهخستن.
