هونەرمەندێن دهۆكێ دێ دەنگی دەنە لیستا (190)
شاكر ئەتروشی:
هونەرمەند (خالد مەحمود) كو ب بابێ مێردینی یێ بەرنیاسە، گۆت: ئەز دێ دەنگێ خوە دەمە لیستا (190) یا پارتی دیموكراتی كوردستان، چنكو من باوەریەكا مەزنا بڤێ لیستێ و هەموو بەربژارێن وێ هەی، چنكو لیستا پارتی و بارزانی یە و دەمێ دچنە پەرلەمانی دێ هەموو شیانێن خوە تەرخانكەن بۆ پتر بهێزبوون و پاراستنا قەوارەیێ هەرێما كوردستانێ، لەورا داخوازێ ژ هەر كوردەكێ دلسۆز دكەم دەمێ دچنە سەر سندوقێن دەنگدانێ دەنگی بدەنە وێ لیستێ، چنكو دێ پاشەرۆەكا گەشتر بۆ مە هەموویان پەیداكەت.
هونەرمەند ( عابد دهۆكی) گۆت: دەنگدان بۆ لیستا (190) یا پارتی دیوكراتی كوردستان ئەركەكێ نشتیمانی و ئەخلاقی یە، لەورا دڤێت ئەم هەموو وژدانا خوە ئارام بكەین و ل رۆژا بیستی ڤێ هەیڤێ ل سەر سندوقێن دەنگدانێ دەنگێن خوە بدەینێ و بلا د پشت راستبین دێ هەموو مافێن مە هێنە مسۆگەركرن و خەوتێن دوژمن و نەحەزان دێ چنە دگوڕی دا، چنكو ئەڤە لیستا ئەمبرازشكێن و خوە نەچەماندنێ یە.
هونەرمەند (جەمال وەرمێلی) گۆت: ئەو راستی بیت كەس ژ لیستا (190) فەرتر نینە، چنكو خودانێن ڤێ لیستێ پارتی و سەرۆك بارزانی یە، ئەو ژی خودان خەبات و دیرۆكەكا زێڕینن و بەرنامەیێ بۆ هاتیە دارشتن د خزمەتا هەموو تەخ وچینێن جڤاكی دایە، ژوانا هونەرمەندان و دێ پشتەڤانیێ ل هونەرمەندان و بەرهەمێن بهێز یێن هونەری گەت و داخوازێ ژ هەموو هونەرمەندان دكەم بێی دو دلی دەنگێ خوە بدەنە ڤێ لیستێ، چنكو پاشەرۆژا هەوە و زارۆكێن هەوە دێ پتر گەشتر و خۆشتر بیت.
هونەرمەند (عەبدولسەلام سلێمان) بەرنباس ب عەبۆ گۆت: گرنگە ئەم هەموو پێكڤە دەنگی بدەینە لیستا (190) یا پارتی و سەرۆك بارزانی، چنكو ئەڤە لیستا خوینا شەهیدانە و ب درێژاهیا مێژوویێ بەڕەڤانی ژ كوردستانێ كرینە و ئەڤ دەستكەفتێن نوكە ئەم دبینن، هەروەسا ئەو ئارامی و خۆشیا ئەم هەموو تێدا دژین بەرهەمێ خوین و خەباتا وانە، لەورا ل رۆژا بیستی ڤێ هەیڤێ دێ دەنگی دەینە بەربژارێن ڤێ لیستێ، چنكو خوادانێن لیستێ دێ ب هەموو شیانێن خوە بەرەڤانیێ ژماف و دەستكەفتێن مللەتێ كورد كەن، بێی دو دلی دێ بێژم بەلێ دەنگێ مە هەر بۆ لیستا (190) یا پارتی دیموكراتی كوردستانە.
هونەرمەند (نزار حەجی حسێن) بەرنیاس ب نزار فۆلكلۆر گۆت: هەكە ئەم ب هووری هزرێن خوە بكەس كەس ژلیستا (190) یا پارتی باشتر نینە، چنكو پتری 78 سالانە پارتی خەباتێ ژبۆ ب دەستڤەئینانا مافێن مللەتێ كورد دكەت و ب هزاران شەهید بۆ داینە، هەروەسا پارتیە خودانا دەستكەفت و سەروەریێن مێژووی، لەورا دوبارە دێ بێژم دەنگێ مە بتنێ بۆ لیستا (190) چنكو وان ئەم یێن پاراستین و خۆشیا ئەڤرۆ ئەم تێدا بەرهەمێ خوینا وان شەهیدانە.
