هونەرمەندێن مە نەگەهشتینە وی ئاستی كو دلخۆشكەر بین
سولین سلێمان:
مۆزیكژەن (هەردی عەلی) كو ژ پارێزگەها سلێمانیێ یە، د دیدارەكێ دا بۆ رۆژناما ئەڤرۆ دیاركر كو دژیەكێ بچووكدا وی حەزژ مۆزیكێ ب تایبەتی ئامیرێ كەمانێ كریە و نوكە ژبلی كەمانێ دشێت چەندین ئامیرەیێن دی بژەنیت، ژوانا (ڤیۆلا و كیبۆرد)
ناڤهاتی، كو ژ دایكبوویێ سالا (1987) یە، هێشتا گۆت: د سالێن بۆری دا من پشكداری د هژمارەكا ئاهەنگ و فەستیڤال و ستران و بەرنامەیێن تەلەفزیۆنی دا كریە و خۆشحالم كو شیایمە ل دووف شیانێن خوە خزمەتا مۆزیكا كوردی بكەم، لێ ئاریشەیا مە ئەوە پتریا وەلاتێن جیهانی كاری ل سەر مۆزیكا مە دكەن، ژوانا تورك كو ب ملكێ خوە دزانن و ب مخابنی ڤە دێ بێژم ژبەر ئەگەرێن سیاسی و نەبوونا كیانەكێ سەربەخوە ئەم نەشیاینە ببینە خودانێن وی مولكی، ئانكو مولكداری یا مەبیت، هونەرمەندێن مە ژی نەگەهشتینە وی ئاستی كو د دلخۆشكەر بین.
