هونەرمەندەكێ كورد دێ پشكداریێ د پێشانگەهەكا نێڤدەولەتی دا كەت
یەحیا ئەربیلی، شێوەكار و باشنڤیسێ كورد، دێ پشكداریێ د گەڕا پێنجێ یا پێشانگەها نێڤدەولەتی یا مەجازی یا رەمەزانێ بۆ باشنڤێسیێ ل وەلاتێ هیندستانێ دا كەت كو هونەرمەندێن 40 وەلاتان تێدا د پشكدارن.
ناڤبری بۆ رۆژنامەیا ئەڤرۆ گۆت: ئارمانج ژ ڤەكرنا ڤێ پێشانگەهێ خزمەتكرنا قورئانا پیرۆز و بەلاڤكرنا پەیاما ئاشتیێ یە د ناڤ خەلكی دا و پێشانگەها ئەڤ سالە هونەرمەندێن 40 وەلاتان ل سەر ئێك پلاتفۆرما مەجازی كۆم دكەت، دیمەنەكێ هونەری دروست دكەت كو گشتگیریا باشنڤێسیێ و رەنگڤەدانا كلتوورێن جودا یێن جیهانی تێدا نیشا ددەت وچەندین وەلات د ڤێ پێشانگەهێ دا پشكدارن و چەندین كەڤالێن هونەری بخۆڤە دگریت كو ئیلهام ژ جوانترین گۆتن و پەیڤان وەرگرتیە، كەڤال جوانی و ئێكریزییێ بەرجەستە دكەن، كو رەهەندێ دەنگی یی پیتێ دەرباز دكەت بۆ رەهەندێن فۆرماتیڤ و رۆحی، بڕیارە ئەڤ پێشانگەهە ل رۆژا (21) ڤێ هەیڤێ ل وەلاتێ بهێتە ڤەكرن و بۆ دەمێ (18) رۆژان دێ یا بەردەوام بیت.
