هونەرمەندەكێ كورد د پێشانگەهەكا شێوەكاری دا ل ئەلمانیا
زنار تۆڤی:
سیمپۆزیۆما نێڤدەولەتی یا هونەری (ON TOP) ل باژێرێ كریفیلد یێ ئەلمانی هاتە نیشادان و چەندین هونەرمەندێن شێوەكار یێن كورد پشكداری تێدا كریە.
حەمە هاشم، نڤیسەر و شێوەكار، ئێكە ژ پشكداربوویێن كورد یێن وێ پیشانگەها شێوەكاری، بۆ ئەڤرۆ دیاركر: پێشانگەها شێوەكاری یا كریفیلد ب ناڤێ (هونەر و شەر) بوویە، كو 22 هونەرمەندێن شێوەكار یێن جیهانی پشكداری تێدا كریە، كو پێكهاتبوون ژ هونەرمەندێن كورد، ئەلمانی، رۆسی، پۆلەندی، ئۆكراینی و فرەنسی و ئیرانی و عەرەب، هەر هونەرمەندەكی ب دو كەڤالێن هونەری پشكداری تێدا كریە، هەموو كەڤال ژی گرێدایی شەڕی بوون، هەروەسا ئەو پێشانگەهە ل باژێری بەرلین ژی دێ هێتە نیشادان،
ئەو سیمپۆزیۆمە بۆ ماوێ حەفتیەكێ دێ یا بەردەوام بیت و ئەو پێشانگەها شێوەكاری ل 22 تەباخێ هەتا 19 ئیلۆنا 2025 ێ، دێ یا ڤەكری بیت، ئەو چالاكییە ب هاریكارییا ناڤەندا كلتۆرییا سۆزیۆ و گرۆپی (NRW V) و وەزارەتا رەوشەنبیری و زانستی یا راین- ویستفالیا هاتە گێران و بیرۆكا سەرەكییا وێ سیمپۆزیۆمێ پرۆسەیا كاركرنا ڤەكری و جڤاكی بوویە، هەموو پشكداربوویی ئیلهامێ ژ ئیكدۆ وەردگرن، چ ژ روویێ تەكنیكی بیت یان ژی ژ ئاستی هزركرنی بیت، ئەو كارە ل جهێ وێ كەمپی دهێنە دروستكرن و پاشێ دهێنە نیشادان، هەروەسا ئەڤە ئاماژەیە بۆ سیمپۆزیۆما ئەڤ سالە ل ژێر ناڤێ (پاراستن) بوویە، گۆهۆڕینین جیهانی و هونەرمەندان د ئێخیتە هەمبەر بەرپرسیارەتیا پاراستنا ژینگەهێ و ئەزموونا جڤاكی و مرۆڤ دۆستییێ..
