هونەرمەندەکێ کورد ل هۆلەندا پشکداری د فیستەڤالا سالانە یا وی وەلاتی دا کر
ئەڤرۆ نیۆز:
هونەرمەندەکێ کورد نێزیکی 15 سالانە مژوولی کارێ هونەری یە پشکداری د کەرنەڤاڵ و فیستەڤال و کۆنستێرتێن وەلاتێ هولەندا دا کریە و بەردەوام بوویە ل سەر پاراستنا کەلتۆرێ کوردی.
هونەرمەند کاروان حەمید حەلاق دیار کر کو ب شانازیڤە ب جلکێن کوردی پشکداریێ د هەمموو فیستەڤال و کەررنەڤالان دا دکەت و بۆ کوردستان24 گۆت: «ئەڤ فیستەڤالە یا بەرنیاسە ب (Catching Cultures Orchestra) کو ئەو ب خوە بەڵگەیە ل سەر پێکڤە ژیانێ 100 مۆزیکژەنێن هولەندی تێدا پشکداری کریە».
ناڤهاتی خویا کر کو ئارمانجا دووێ یا فیستەڤالێ باس ل رەوشا پەنابەران دکەت و روویەکێ دی یێ پەنابەران نیشا خەلکی ددەت کو پەنابەران ژی حەزا بێهنا گۆلان و روحا مۆزیکێ هەیە و وەکو هەر کەسەکێ دی هەست ب جوانیا ژیانێ دکەن و حەز ژ توندوتیژیێ ناکەن.
