هونەرمەندەک پشتی ٣٠ سالێن خزمەتێ داخازا دەست ژ کارکێشانێ دکەت
ئەڤرۆ نیوز،عەلی حاجی :
هونەرمەندێ ئەکتەر عەلی سەلیم یێ ناڤدار ب عەلی زێباری،پشتی ژ ٣٠ سالێن خزمەتێ د کارێ ئەکتەریێ دا ب رێیا نڤێسارەکێ دەست ژ کارکێشانا خوە ژ ئەندامەتیا سەندیکا هونەرمەندێن کوردستانێ نڤێسینگەها زاخۆ کری یە .
عەلی زێباری بۆ ئەڤرۆ نیوز گۆت : ب رێیا نڤێسارەکێ من داخازا دەست ژ کارکێشانێ ژ ئەندامەتیا خوە ل سەندیکا هونەرمەندێن کوردستانێ و هەر دیسان دێ خوە ژ هەمی جورێن هونەری و شانویێ دویر کەم و ئەڤ بریارە ژی د رۆژا جیهانی یا شانویێ دا من دایە و دخازم ئەڤ مێژوویە بۆ من بمینیت .
ل دور ئەگەرێن دەست ژ کارکێشانا خوە هونەرمەندێ ناڤهاتی دیار کر من چەند داخازیەک ژ سەندیکا هونەرمەندێن کوردستانێ نڤێسینگەها زاخۆ هەبوون کو دیار بوو ئەو داخازیێن من هاتینە پشتگوهـ هاڤێژتن و ئەو جهێ رێزێ ل مروڤی نەگریت باشترە مروڤ رێزێ ل خوو بگریت و ئەڤ بریارە ژی پشتی وێ چەندێ هاتیە و هەر ژ سەرهلدانا بوهارا ١٩٩١ێ من دەست ب خزمەتێ کری یە د هونەری دا بەلێ نوکە دا نەچارم وێ بریارێ بدەم .
