هونەرمەند ب هونەرێ خوە دەربڕینێ ژ خەما خوە دکەن
بێوار حەمدی:
هەمی کەسان د جیهانێ دا خەم هەنە و هەر کەس ب ڕێیەکێ دەربڕینێ ژ خەما خوە دکەت، هونەرمەندەکا شێوەکار ژی گۆت: خەمێن هونەرمەندان دبنە کارێن وان یێن هونەری و ب هونەرێ خوە دەربرینێ ژ خەما خوە دکەن.
هونەرمەندا شێوەکار (هودا ئەحمەد) د دیدارەکێ دا بۆ رۆژناما ئەڤرۆ گۆت: شێوەکار ئەو کەسەیە یێ کو ب هزرێن خوە شێوە و کەرەستێن جوراوجور بکاردئینیت بۆ دروستکرنا کارەکێ هونەری، ئەڤجا چ ب رامان بیت یان ژی ژبۆ جوانیێ بیت وگۆت ( گەلەک جورێن شێوەکاریێ هەنە وەکو وێنەچێکرن، پەیکەر سازی، سیرامیک، فوتوکێش، دیزاین) پتریا کەڤالێن ئەز چێدکەم ب رەنگێن زەیتینە وپوستەرینە و ئەو کەڤالن یێن ب ئێک پێنوس دروست دبن
دەربارەی حەز ژێکرنا خەلکی بۆ شێوەکاریێ هودایێ گۆت: هەتا راددەیەکێ باش خەلک دهێنە پێش پێشانگەهێن هونەری، لێ بکڕێن کارێن هونەری دکێمن، ئەوژی ژ ئەگەرێ وان کاودانێن کوردستان تێدا دبوریت ژ نەجێگریا بارێ ئابوری، وگۆت: ئەو کەسێن دەولەمەند ب ئێکجاری گۆهێ وان لسەر هونەری ب گشتی نینە و پتریا گەنجان ژی دنوکەدا بتنێ بەرێ وان کەفتیە سەر هونەرێ بازرگانی
هودایێ ئەو چەندە ژی دا زانین کۆ هەمی کەسان دجیهانێ دا خەم هەنە وهەرئێک ب جورەکی دەربرینێ ژخەما خودکەت، لەوما هونەرمەند ژی ب هونەرێ خۆ خەما خو دەردبریت و کارێن هندەکا ژی دبنە هوزان وتورەی ویێن هندەکا ژی دبنە داهێنان، بەلێ هەر خەلەتیەکا دناڤ جڤاکی دا یان دەستهەڵاتێ داهەبیت هونەرمەندی پتر گۆھ یێ لسەرهەی و ئەگەر پێ چێنەبیت ڕاستڤەبکەت دێ وەکو کارەکێ هونەری ژ دلێ خوە دەرئێخیت.
