هونەرمەند دشێن ئێش و ئازارێن مللەتێ خوە بگەهیننە جیهانێ
دلڤین رەشید:
شێوەكار (دلدار خودێدا سلۆ) د دیدارەكێ بۆ رۆژنامەیا ئەڤرۆ دیاركركو ئەو خەلكێ دەڤەرا باعەدرێ یە، دەرچویێ زانكۆیا دهۆك پشكا شێوەكاری یە و نوكە ماموستایە ل ئامادەیا باعەدرێ، پتریا كەڤالێن وی كەتواری نە دەربڕینی ژ سروشتێ جوانێ كوردستانێ و كلتۆرێ ئێزدیان دكەن.
ناڤهاتی گۆت: هەر ژ زاڕۆكانیا خوە من حەزا هونەرێ شێوەكاری هەبویە، هەڤال و ماموستا و تایبەت ژی مالباتا من پشتەڤان و د هاریكار بوون كو بەردەوامیێ بڤی كاری بدەم هەتا بشێم بگەهمە ئارمانجێن خوە ، نوكە ژی وەك شێوەكارەكێ ئەكادیمی كاردكەم ، من شێوازەكێ تایبەت هەیە، ئەوژی سروشت و كلتۆرێ ئێزدیان ب گشتی كو ب شێوازەكی سەردەم دورست دكەم، بەردەوام بزاڤان دكەم داكو بشێم ل پاشەرۆژی كارێ خوە باشترلێ بكەم و تەكنیكێن جودا تێدا ب كار بینم، چنكو هونەرمەند ژی دشێن ب رێكا كارێ خوە یێ هونەری ئێش و ئازارێن مللەتێ خوە بۆ جیهانێ بدەتە نیاسین.
