هونەرێ كوردی گەلەك پێشكەفتیە
سۆلین سلێمان:
سترانبێژ (عادل هەورامی) د دیدارەكێ دا بۆ رۆژنامەیا ئەڤرۆ گۆت: ل سالا 1993 من دەست ب گۆتنا سترانان كریە و ب سورانی و هەورامی دبێژم و بابێ من كارتێكرن ل سەر من هەبوو كو سترانان بێژم، چنكو دەنگێ وی گەلەكێ خۆش بوو.
هەروەسا گۆت: هەتا نوكە من سێ ئەلبۆم بەلاڤكرینە، ئەلبۆما ئێكێ ب ناڤێ (گەردوون) بوو كو ل سالا 2000 هاتبوو بەلاڤكرن و خەلكەكێ زۆر حەزژێكرن، هەروەسا نووترین بەرهەمێ من ب ناڤێ (خانم) بوو، بەری چەند رۆژان هاتیە بەلاڤكرن و ئەز بەردەوام دچمە ئاهەنگ و كۆنسێرتان ل گەلەك جه و باژێران و ئەز گەلەك حەز ژ گۆتنا سترانێن فولكلۆری دكەم و ب دیتنا من هونەرێ كوردی گەلەك پێشكەفتییە.
