هونەرێ من یێ جودایە
موسا خالد:
شێوەكار(هەلڤین ئدریس) د دیدارەكێ دا بۆ رۆژنامەیا ئەڤرۆ گۆت: ئەز خەلكا كۆمەلگەها شاریا مە و دەرچۆیا پەیمانگەها هونەرێن جوان/پشكا شێوەكاری تایێ سیرامیكی مە، نوكە قوتابیمە ل كولیژا هونەرێن جوان ل زانكۆیا دهۆك و دێ بەردەوامیێ ب بەهرەیا خوە دەم.
هەروەسا گۆت: دەمێ ئەز قوتابیا پەیمانگەهێ د هەر پێنج سالان دا من پشكداری د فەستیڤالا پەیمانگەهێ دا كریە، هەروەسا من پشكداری د پێشانگەها لاوێن شاریا ژی دا كریە، نوكە ژی بەرهەڤیێن خوە دكەم بۆ فەستیڤالا كولیژێ كو ئەڤە دێ بیتە فەستیڤالا ئێكێ یا كولیژا هونەرێن جوان ل زانكۆیا دهۆكێ، هەروەسا من پشكداری د هژمارەكا سمینار و چالاكیێن هونەری دا كریە، هەروەسا وانە ژی گۆتینە، لێ ئەڤ جارە هونەرێ من یێ جودایە ژ هەموو هونەرێن مە گوه لێبووین، ئەو ژی چێكرنا گۆسك و كەڤالانە و داخوازی ل سەر كڕینا وان هەیە، لێ هێشتا من نەفرۆتینە و داخوازێ ژ جهێن شۆلەژێ دكەم پتر گرنگیێ ب هونەرێ سیرامیكی بدەن.
