هونەرێ داخوازکرنا هاریکاریێ
داخوازکرنا هاریکاریێ ژ کەسێ بەرامبەر نە نیشانا لاوازیێ یە، بەلکو نیشانا ئاستێ هشیاریا تەیە بۆ باشترکرنا کارێن تە و بزاڤەکا بەردەوامە بۆ پێشڤەچونێ. لێ داخوازکرنا هاریکاریێ ئەتەکێت و ڕێسایێن خۆ یێن تایبەت هەنە، دڤێت ب ڤی شێوەی بیت داکو نە تۆ و نە ژی کەسێ بەرامبەر هەست ب شەرمەزاریێ نەکەن:
-1 کەسێ ڕاست و دەمێ گونجایی هەلبژێرە:
هەموو کەس هەژی هندێ نینن تو داخوازا هاریکاریێ ژێ بکەی، هەروەسا هەموو دەم ژی د گونجایی نینن. دەمێ تو دزانی کەسێ بەرامبەر یێ مژویلە و دەم نینە، نەچار نەکە هەست ب گونەهباریێ بکەت دەمێ داخوازیا تە ڕەت کر.
-2 ب ڕونی داخوازا هاریکاریێ بکە:
ڕێیا هەرە ب ڕێز بۆ داخوازکرنا هاریکاریێ ئەوە کو تو یێ ڕون و ڕاستەوخۆ بی، ب ئاشکرا بێژە کا تە دڤێت کەسێ بەرامبەر بۆ تە چ بکەت و ب ڤان دەستەواژان دەستپێ بکە: “ئەگەر دەمێ تە یێ گونجایی بیت، یان ئەگەر د شیاندا بیت” د ڤی کاری دا هاریکاریا من بکە.
-3 ڕەتکرنێ قەبوول بکە بێی دلگران ببی:
دەمێ کەسێ بەرامبەر داخوازیا تە ڕەت دکەت، ڕامانا وێ ئەو نینە کو وی تو نەڤێی یان ڕێزێ ل تە ناگریت، لەوما ب هەستیاری و توڕەبون بەرسڤێ وەرنەگرە.
-4 بەردەوام داخوازا هاریکاریێ نەکە:
دەمێ کەسەک هاریکاریا تە دکەت، بەردەوام داخوازا هاریکاریێ ژێ نەکە، ژبەرکو تو دزانی تە ڕەت ناکەت.
-5 سوپاسگوزاریێ و پاداشتا هاریکاریێ ژبیر نەکە:
سوپاسیا کەسێ بەرامبەر ئێکە ژ یاسایێن گرنگ یێن ئەتەکێتێ، گەلەک گرنگە ب پەیڤێن جوان سوپاسیا وی بکەی و نیشان بدەی کو تو ژی ئامادەیی بۆ هەر کارەکێ پێدڤی هاریکاریا وی بکەی.
