هونەر جیهانەكا پڕی ئارامی یە
موسا خالد:
شێوەكارا گەنج (شان فەیسەل) د دیدارەكێ دا بۆ رۆژنامەیا ئەڤرۆ گۆت: ئەز دەرچۆیا زانكۆیا دهۆك/ پشكا شێوەكاری مە و دەستپێكرنا من بۆ كارێ شێوەكاری بۆ حەزا من یا زارۆكینیێ دزڤڕیت و كەسێن بووینە پشتەڤان كو یا بەردەوام بم خێزان و ماموستا و هەڤالێن من بوون.
هەروەسا گۆت: كەڤالێن ئەزچێدكەم ب رەنگێن زەیتی و ئاڤێ و پاستیل و پێنڤیسێ رساسی و رەژیێ نە و ئەو دتشتێ د ناخێ مندا ئەز ب كەڤالان دەردئینم، چنكو هونەر جیهانەكا پڕی ئارامیە، بۆ زانین ناڤەرۆكا كەڤالێن من د هەمەڕەنگ و گشتینە و من هژمارەكا زۆرا كەڤالێن خوە فرۆتینە، هەروەسا پشكداری د هژمارەكا فەستیڤالان دا كریە و یا ژ هەموویان گرنگتر ل دەف من ڤەكرنا خولا پازدێ یا گەلەریا دهۆك بوو، هەروەسا پێشانگەها هەڤپشكا خانمێن كورد ل وەلاتێ پولەندا و پەیا من یا دووماهیێ ئەوە وەكو پێدڤی پشتەڤانیا هونەری و هونەرمەندان هەبیت و یا بەردەوام بیت.
