هونەر جیهانەكا پڕە ژ جوانی و داهێنانێ
موسا خالد:
شێوەكار (دوعا عەلی) كو خەلكا قەزا ئاكرێ یە، د دیدارەكێ دا بۆ رۆژناما ئەڤرۆ گۆت:حەزژێكرنا من بۆ هونەری یا بەری چەندین سالانە و بۆ چێكرنا وێنەیان ئەز زێدەتر پێنڤیسێ رساسی بكاردینم، چنكو جوانیەكا تایبەت تێدا هەیە و ل دەمێ چێكرنێ ئەز یا ئارامم.
هەروەسا گۆت: ژبەركو ئەز نوكە قوتابیمە دەلیڤە نەبوو پشكداریێ د پێشانگەهان دا بكەم، لێ من ل بەرە پێشانگەهەكا تایبەت و ئەز گەلەك حەز ژ كارێ خوە دكەم، چنكو جیهانەكا دی یە یا پرە ژ جوانی و داهێنانێ و ل دەمێ چێكرنا وێنەیان ئەز ب هزرێن خوە دشێم جیهانەكا دی ئاڤا بكەم، بۆ زانین ئەز چەندین جۆرێن وێنەیان چێدكەم و بۆ كڕینێ داخوازی ل سەر هەنە، لێ هەتا نوكە ئەز نافرۆشم و من ل بەرە ب كەڤالێن خوە كلتۆرێ كوردی نیشا جیهانێ بدەم، هەروەسا ئێش و ئازارێن مللەتێ خوە ژی و هەردەم ئەز دبێژم ب پێنڤیسێ خوە دێ بمە شۆڕەشگێڕا گەل و وەلاتێ خوە.
