هونەر حەز و ئارەزۆیا من یا سەرەکیە
زاخۆ، دلۆڤان هالۆ:
هونەرمەندێ گەنج و دەنگ خوەش یێ ئیدارا سەربخوە یا زاخۆ د دیدارەکا هونەری دا بۆ ڕۆژناما ئەڤرۆ دیار کر من ل سالا 2006 هاتمە دناڤ قادا هونەرێ ستران گۆتنێ دا، و ب دورستکرنا ڤیدیۆ کلیپەکێ من دەستپێکر و هەتا نوکە ژی ئەز بەردەوامم ل سەر کارێ خوە یێ هونەری چونکی حەز و ئارەزوویا من یا سەرەکیە د ژیانێ دا.
ناڤهاتی ئاماژە ب وێ چەندێ ژی کر کو من چەندین ستران و کلیپ تۆمارکرینە و ل کەنالێ خوە یێ یۆتیوبی و ل کەنالێن نافخۆیی و ئاسمانی بەلاڤکرینە، سترانێن من گەلەك بابەتان بخوەڤە دگریت وەکو وەلاتی و باژێڕی و دەیکێ و ئەڤینیێ، و سترانا من یا کو من ب پێشکێشارا کەنالێ ڕووداو شەهید شیفا گەردی گۆتی گەلەك دەنگڤەدا و گۆهدارا گەلەك حەز ژێکر.
گۆت ژی:»هونەرمەندێ دەرهێنەر کامیران بێتاسی گەلەك پشتەڤانی و هاریکاریا من کریە لەورا سۆپاسیا وی دکەم، چونکی بێ پشتەڤانی و هاریکاری مرۆڤ نەشێت بەردەوامیێ بدەتە کارێ خوە یێ هونەری».
زێدەتر ژی گۆت:»پێدڤیە گرنگیەکا زێدەتر ب هونەری و هونەرمەندان بهێته دان چونکی هونەرمەند ب ڕێکا هونەر و سترانێن خوە خزمەتا وەلاتێ خوە دکەن و بەشەکێ زۆر یێ ژیانا خوە بۆ هونەری تەرخان دکەن».
