هونەر خودیكەكە بۆ دانەنیاسینا مللەتان
موسا خالد:
شێوەكار (سەباح ئەمین) د دیدارەكێ دا بۆ رۆژناما ئەڤرۆ دیاركر كو ئەو خەلكێ (كومەلگەها شاریا) یە و دەرچۆیێ كولیژا یاسایێ یە ل زانكۆیا دهۆك، ژبەر حەزا وی بۆ كارێ هونەری بەری چەند سالان دەست ب چێكرنا كەڤالان ب تایبەت ژی وێنەیێن كەسوكی كریە و پتریا وێنەیێن ئەو چێدكەت ل دووف داخوازیانە.
ناڤهاتی گۆت: كەڤالێن من د پێشانگەهێن نافخۆ و دەرڤە دا هاتینە نیشادان و هەر ل دەستپێكێ هەتا نوكە خێزانا من، هەروەسا هندەك هەڤالێن من پالپشت و پشتەڤانن كو ئەز یێ بەردەوامبم، بۆ زانین من دگەل چەند رێكخراوان ژی كاركریە، هەر چەندە نوكە باشترە، لێ دخوازم جهێن شۆلەژێ پتر گرنگیێ ب هونەرمەندان بدەن و هاریكار و پشتەڤانێن هونەرمەندان بن، ب تایبەت یێن زیرەك و داهێنەر، چنكو هونەر ل هەموو جیهانێ خودیكەكە بۆ دانەنیاسینا مللەتان و شانازیە بۆ من ب تشتێن سادە ئەز بشێم دگەل وێنەكیشێن جیهانی پشكداریێ دبەریكانەكێ دا بكەم و من باوەریا ب شیانێن خوە هەی كو دێ یێ سەركەفتی بم.
