هونەر نانی نادەتە هونەرمەندی
هەرهین محەمەد:
مەهدی گولی، دەنگبێژێ كوچكو دیوانان، د دیدارەكێ دا بۆ رۆژنامەیا ئەڤرۆ گۆت: هونەر ل كوردستانێ چو جاران نانی نادەتە هونەرمەندی، بەلێ وەكو ئارەزویەكێ یە لنك مە و نەشێینە خوە هەكە ئەم سترانان نەبێژین و بەلگە ل سەر ڤێ چەندێ گەلەك سترانبێژان گۆتیە ئێدی ئەم سترانان نابێژین، بەلێ جارەكا دی زڤڕیە ستران گۆتنێ ڤە و ل گەهندێ ژی دێ كارەكێ دی كەت هەتا پاریێ ژیانێ پەیدا كەت.
هەروەسا گۆن: هندەك سترانبێژان كەربێن وان ژ هەڤدۆ ڤە دبن و شوونا پشتەڤانیێ هەڤدۆ بكەن كەربێ ژێ رادكەن و پشتەڤانیێ ناكەت و حەزناكەت پێشبكەڤیت و ل ڤێ دووماهیێ گەلەك سترانبێژ دەركەفتینە و هەچیێ هەبوو دێ سترانان بێژیت و هندەك سترانبێژ سترانان دبێژن ب تایبەتی سترانا فلكلۆری گەلەك یا ب زەحمەتە بۆ گۆتنێ و ئەو دلێ مرۆڤی ژ سترانا فولكلۆری رەشدكەن و مرۆڤ بۆ بێژیت ژی كو ئەڤ سترانە نەیا وەسانە یان ئەڤ پەیڤ یا خەلەتە دێ وەسا هزركەت مرۆڤی نەڤێت ئەو سترانان بێژیت و سترانا فلكلۆری دەستكاری تێدا ناهێتەكرن.
