هونەر و مۆزیك بەهرەیەكا خۆرستی یە
سولین سلێمان:
مۆزیكژەن (پەرەنگ فەرازمەند) ژەنیارا ئامیرێ پیانۆیێ، د دیدارەكێ دا بۆ رۆژنامەیا ئەڤرۆ گۆت: ئەز خەلكا باژێرێ مهابادێ مە، ل رۆژهەلاتێ كوردستانێ و دژیەكێ بچووكدا من حەزژ ئامیرێ پیانۆیێ دكر، لێ ب دروستی ل سالا 1991 من دەستپێكر و ژبلی وی ئامیرەی من شارەزایێ د ژەنینا ئامیرێ تارا ئیرانی ژی هەیە و خۆشحالم كو من نامەیا ماستەرێ ب مۆزیكێ وەرگرتیە و دشێم ب رێیا مۆزیكێ خزمەتا وەلاتێ خوە بكەم.
هەروەسا گۆت: بۆ دەمێ چەند سالان من ل گەل تیپا ئۆركێسترا كوردستانێ كاركریە و هەردەم من گۆتیە زانكۆ كەسێ ناكەتە هونەرمەند، چنكو هونەر و مۆزیك بەهرەیەكا خۆرستی یە، راستە باشە ب شێوەیەكێ ئەكادیمی بخوینی لێ دڤێت ل گەل وێ چەندێ مرۆڤی بەهرە ژی هەبیت و هونەر ڕەگەزێ نێر یان مێ نانیاسیت، لەورا داخوازێ ژوان ئافرەتان دكەم یێن حەزا مۆزیكێ هەین بلا بهێن شیانێن خوە دیاربكەن و پێدڤیە جهێن شۆلەژێ د هاریكار و پشتەڤانبن بۆ سەرخستنا وێ.
