هوگر حه‌سه‌ن: هه‌كه ب ڤێ شێوه‌یی بیت دادڤانێن زاخۆ پێش ناكه‌ڤن
زاخۆ،عه‌لی حاجی :
د داخویانیه‌كێ دا هوگر حه‌سه‌ن ئێك ژ دادڤانێن باژێرێ زاخۆ و خولا پلا دویێ یا ئێراقێ بۆ یاریا ته‌پاپێی دیاركر كو پێنگاڤا ئێكی ب سه‌رفه‌رازی شیاینه وه‌كو دادڤانێن باوه‌رپێكری د خولا ئیراقێ دا ده‌ربازبكه‌ن پشتی شیایی ب سه‌ركه‌فتیانه تاقیكرنێن تیوری و پراكتیكی ب دووماهی بینن ئه‌وا لڤێ دووماهیێ باژێرێ دهۆكێ هاتیه كرن لێ مخابن چو كه‌سان ژی ده‌ستخووشی لێ نه‌كریه.
زێده‌تر ناڤهاتی بۆ رۆژناما ئه‌ڤرۆ گوت: یا جهێ خووشحالیێ هه‌بوونا پێنچ دادڤانێن باژێرێ زاخۆ دناڤ لیستا دادڤانێن پلا دو یا ئیراقێ دا كو ئه‌ڤه پێنگاڤه‌كا كێم وێنه‌یه و به‌ری نوكه نه هاتیه دیتن پشتی تاقیكرنان سه‌ركه‌فتیانه هاتینه ژێگرتن بۆ بڕێڤه‌برنا یاریێن پلا دو كو ئه‌ڤچه‌نده پێنگاڤه‌كا باشه به‌ره ب هیڤی و ئارمانجێن مه ژبۆ پێشخستنا ئاستێ خوه وه‌رگرتنا شارا دادڤانیێ بۆ پلا ئێك و نایاب كو ببینه نموونه و ده‌رگه‌ه بۆ هه‌ر دادڤانه‌كێ دی ل باژێرێ زاخۆ كو رێژا مه زێده‌تر بیت، لێ هه‌كه ئه‌م بهێنه پشتگۆه هاڤێتن و كه‌س پووته‌دانێ ب مه‌نه كه‌ت هه‌تا جلۆبه‌رگێن تایبه‌ت یێن دادڤانان ژی دابینه‌كه‌ت بڤی شێوه‌یی دادڤانێن زاخۆ پێش ناكه‌ڤن و هه‌كه حه‌ز و ڤیانا مه ژی نه‌با د باوه‌رێ مه كو ئه‌م ژی دا خوه دووركه‌ین ژ ڤی كاری.
ژلایه‌كێ دیڤه هوگر حه‌سه‌ن گوت: هیڤی یا مه ئه‌وه ته‌خا دادڤانێن ته‌پا پێی ل باژێرێ زاخۆ نه هێنه پشتگۆه هاڤێتن و دیڤچوونا وان بكه‌ن تایبه‌ت لایه‌نێن په‌یوه‌ندیدار ب یاریا ته‌پا پیێ و نوونه‌راتیا دهۆك یا لژنا ئۆلۆمپیا كوردستانێ و سه‌رپه‌رشتێ دادڤانان، چنكو ئه‌و شیانێن دادڤانان ل زاخوه چو كێمتر نینه ژ هه باژێره‌ك و پارێزگه‌هه‌كا دی هه‌كه پشته‌ڤانی بوو هه‌بیت.
