هوین شەهیدێن ملەتینە

رەمەزان ئیسماعیل گەرەگوهی

هوین شەهیدێن ملەتینە و
ئەوا پێدڤی..
ل سەر ملێن وە
ژ بۆ گەل و وەلاتێن خوە
ب قوربانی و شەهیدبوونێ
وە ئەو ڕاکر..
ئەرکێ خوە یێ
نیشتیمانی و کوردایەتی
ب‌ سەرفەرازی بجھئینا و
هەبوونا مە
ل سەرانسەری ڤێ جیهانێ
پێ ئاشناکر..
ببهاترین تشتێ وە هەی
جانێ وە بوو
ب ئەختوباری
بۆ ڤێ ئاخێ کر دیاری و
وە پەیاکر..
وە ئەو گۆری مللەتێ خوە و
بیر و ڕاو و
پیرۆزیێن
ڤی وەلاتێ پڕ هێژاکر..
وە ناخێ خوە و دەروونێ خوە
بۆ داهاتی و نڤشێ بهێت
گەلەک ئارام و تەناکر..
وە دیرۆکا
نەتەوەکێ ب سەدان سالە
ستەم دیتی
خودان ڕوومەت و بوهاکر..
ژ بەر ڤێ چەندێ
ئەڤ ملەتە… هەمی پێکڤە
ژ وە ڕازی یە و
گەردەنا وە ژ دل ئازاکر..
ئەو دارێن بۆ ئازادیێ
وە چاندین و
بخوینێ ئاڤداین
وەکی بیبیکا چاڤێن خوە
پاراستین و هەڕۆژ چاڤداین
نێزیکە.. ئەو بەری بگرن..
ئەو بێدەرا کوردینیێ
یا وە گێرە و جەنجەرکری و
ھلاڤێتی و وە دایە بای
هەمی دان و دکاکێ وێ
ها.. ها دێ هێتە کۆمکرن..
ئەو دەولەتا هەوە ڤیای
کێمەک یا مای
وە چەوا دخواست؟
وەسا بهێت ئاڤاکرن..
ژ ئەڤرۆ وێڤە
کەدا هەوە، خوینا هەوە
نابیت بهێت بەرزەکرن..
چەوا دبینم
زارۆیێن وە دسەر بلندن
من دڤێت وەسا.. ئەز ببینم
ژ هەمی کەسا بخودان ترن.

کۆمێنتا تە