هژمارا قوربانیێن بیڤەلەرزێ د زێدەبوونێ دایە
ئەڤرۆ
بەرپرسەکێ وەزارەتا ناڤخوە یا تورکیا راگەهاند ژ بەر بیڤەلەرزا ل مەرەشێ هەتا نها نێزیکی ٤٥ هزار کەسان جانێ خوە ژ دەست داینە و پتر ژ سەد و بیست هزار کەس ژی بریندارن، هەروەسا ل گۆر ڤەکۆلینێن هاتینە کرن دڤێت د قۆناغا ئێکێ دا سەد هزار ئاڤاهی بۆ خەلکی بهێنە ئاڤاکرن، رەوشا وەلاتیان نها ل مەرەشی و باژێرێن دی گەلەک خرابە و پێدڤیا خەلکی ب هاریکاریان هەیە، گەلەک وەلاتێن جیهانێ هەتا نها هاریکاریا تورکیا کرینە لێ هێشتا ژی خەلک پێدڤی ب هاریکاریێ نە.
دەزگەهێن راگەهاندنا تورکیا ژی دیار دکەن بیڤەلەرزێ کاریگەریا خوە ل ژیانا پتر ژ بیست ملیۆن کەسان کریە، دڤێت بلەز خانی بۆ خەلکی بهێنە دروست کرن، هەروەسا پێدڤیە ئێدی خانی ل گۆر سیستەمەکێ نوو بهێنە دروستکرن، چونکی رۆژانە ل مەرەشێ و هاتایێ بیڤەلەرزە روو ددەن و ڤێ یەکێ کاریگەریا خوە ل بارێ دەروونی یێ خەلکێ کریە، هەکە خانی ل گۆر سیستەمەک نوو نەهێنە دروست کرن بێگومان خەلک نەشێن ئێدی ل وان باژێران بژین.
