هژمارا من گه‌رنتیكرن و پاداشت و خزمه‌ت
زه‌نون سلێڤانه‌ی ـ زاخۆ
بێگومان حوكمه‌تا هه‌رێما كوردستانی كار لسه‌ر ڤى پرۆژه‌ێى (هژمارا من) كریه و بانكێن پشكدار ژ ئالیێ بانكا ناڤه‌ندی یا ئیراقێ ڤه دانپێدان ب ڤی پرۆژه‌یێ كرینه و هه‌ر بانكه‌كا پشكداریێ د ڤێ پرۆسیسا هژمارا من دا بكه‌ت گه‌ره‌نتیكرن و ب نیشتیمانیكرنا مووچه‌ی دا بكه‌ت ئه‌و ژی ڤه‌دگه‌ریت ل گۆره‌ی ف هنده‌ك مه‌رج و رینمایێن یاسایێ د ڤی پرۆژه‌یێ هژمارا من دا ڤه گریدایێ بیت دكه‌ڤیته د وارێ بجهئینانێ دا، بۆ پاراستنا هژمارا پشكداربوویان،
لێ ب دیتنا من ژی ئه‌ڤ پرۆژه‌یێ هژمارا من چێدبیت گرنگیا خوه‌یا تایبه‌ت گرنتیكرن و رێپێدان بۆ ته‌ڤایا فه‌رمانبه‌ر و مووچه‌خۆرێن هه‌رێمێ دێ بله‌زتر وه‌رارێ دكه‌ت دبیته ده‌ستپێشخه‌ریه‌كا مه‌زن پاداشت و خزمه‌تكرنا كه‌سێن پێدڤی و مووچه‌خۆرێن باژێر و ده‌ڤه‌رێن گونجایێ ل هه‌رێما كوردستانێ، به‌لێ بو قویناغێن داهاتی دا پتریا ئه‌و هه‌ڤوه‌لاتیێن ژ ده‌رڤه‌یێ هه‌رێمێ ژی كاردكه‌ن چ بۆ تشتێن پێدڤی ژی دشێن ب وێ كارتا خوه‌یا فه‌رمی یاكه‌سی هژمارا من دبیته بارسڤكه‌یه‌ك بۆ هنده‌ك كاروبارێن پێدڤیێ و پێداویستیێن تایبه‌ت.
به‌لێ ژئالیه‌كی دیڤه پرۆژه‌یێ هژمارا من دبیته رێكخۆشكه‌ره‌ك بۆ نه‌هێلانا گه‌نده‌لیێ و بێ دادیێ و كارێن زێدگاڤیان دوور ژ بنه‌مایێن یاسای د بیاڤێ ئابۆری دارایێ یا هه‌رێما كوردستانێ دا هاتی كرن و بێگومان به‌شه‌كا خه‌لكێ مه‌یێ مووچه‌خۆرێن هه‌رێمێ ژێ مفاداربن ژ ڤی پرۆژه‌یێ هژمارا من، ئێدی ئه‌و سه‌رده‌مێ دیارده‌یێن به‌په‌ل و هنارتنا حه‌فت سه‌د ملیاری ژ به‌غدا راگه‌هاندنا خشته‌یێ نامینیت، ب گۆره‌ی ژڤانێ ده‌ستنیشانكری، دێ ب ره‌نگه‌كی بله‌زتر و راسته‌خوه پاداشت و مووچێ خوه‌یێ هه‌یڤانه ب گۆڕه‌ی هژماره‌كا تایبه‌ت لسه‌ر كارتێ دیاركری دێ پێ هێته‌دان،
یا گرنگ و پێدڤیه سه‌ركه‌فتنا ڤی پرۆژه‌یێ هژمارامن ژ ئالیێ حكومه‌تا هه‌رێما كوردستانێ ڤه ببیته نموونه‌یه‌كا نیشتیمانیێ و ده‌ستپێشخه‌ریه‌كا هه‌ره مه‌زن و گه‌ره‌نتیكرن و پاداشت و خزمه‌تێن هه‌ره گرنگ پێشكێشی ته‌ڤایا فه‌رمانبه‌ران مووچه‌خۆرێن هه‌رێما كوردستانێ بكه‌ت.
