هژمارهكا قوتابخانان دێ ل ئاكرێ هێنه نووژهنكرن
ئهڤرۆ، رهمهزان زهكهریا
ل سنوورێ پهروهردا ئاكرێ بریاره هژمارهكا قوتابخانا بهێنه نووژهنكرن و زێدهكرن وهك زێدهكرنا پۆلێن خواندنێ دناڤ قوتابخانا دا، ئهو قوتابخانێن پێدڤی ب نووژهنكرنێ ژی دێ هێنه نووژهنكرن.
سابر عهلی، پهیڤدارێ پهروهردا ئاكرێ بۆ ئهڤرۆ گۆت: ل دووڤ پلانهكا رێكخستی و پشتی بزاڤێن رێڤهبهریا گشتی یا پهروهردا دهۆك بۆ نووژهنكرن و زێدهكرنا پولێن خواندنێ دناڤ ئاڤاهیێن قوتابخانان دا، وهزارهتا پهروهردێ ل سهر بودجێ وهزارهتێ رهزامهندی ل سهر نووژهنكرنا هژمارهكا قوتابخانا ل سنورێ پارێزگهها دهوكێ دایه، هژمارهكا ئهو قوتابخانێن دهێنه نووژهنكرن ل سنوورێ پهروهردا ئاكرێ نه.
ناڤبری گۆت ژی: رێڤهبهرێ گشتیێ پهروهردا دهۆك دگهل رێڤهبهرێ پهروهردا ئاكرێ سهرهدانا هژمارهكا قوتابخانێن كارێ نووژهكرنێ تێدا دهێته كرن ئهنجام دا ل سنورێ پهروهردا ئاكرێ و داخاز كر ل دووڤ پلانێ كار بهێته كرن بۆ نووژهنكرنا قوتابخانێن پێدڤی و زێدهكرنا پۆلێن نوو ل ناڤ ئاڤاهیێن قوتابخاناندا.
ناڤهاتی خۆیاكر: نوكه دوو قوتابخانه دهێنه نووژهنكرن و ل چار قوتابخانا پۆل بۆ دهێنه زێدهكرن و دوو قوتابخانه دهێنه دروست كرن، ئێك ژ وان قوتابخانا كابینێن دژه ئاگرن و ژمارهكا دی یا قوتابخانا رازیبوونا وان هاتینهڤه، بهلێ هێشتا دهست ب نووژهنكرنێ نهكرینه.
پهیڤدارێ پهروهردا ئاكرێ ئاشكراكر: هژمارهكا دی یا قوتابخانا ل وهزارهتێ نه پشتی رێكارێن وان ل ههردوو وهزارهتێن پهروهردێ و دارایی تهمام دبن ئهو ژی دێ زڤرن و دهست ب كاركرنێ ل وان قوتابخانا ژی دهیته كرن، ههموو قوتابخانه دێ ل سهر ئهركێ حكومهتا ههرێما كوردستانێ هێنه نووژهنكرن و دروستكرن و پۆل بۆ هێنه زێدهكرن.
