هژمارەكا سترانێن (عەبدولواحد زاخۆیی) دێ بەلاڤكەت
شاهۆ فەرید:
سەردار سەباح، برازایێ هونەرمەندێ خودێ ژێرازی ( عەبدولواحد زاخۆیی) د دیدارەكێ دا بۆ رۆژنامەیا ئەڤرۆ گۆت: ئەڤە دەمەكە مژوولی نووكرنا چەند سترانێن مامێ خوە مە ب مۆزیكەكا نوو، ئەڤ بەرهەمە ژ هەشت تراكان پێكهاتیە سترانێن هەلبژارتینە بەرهەمێن 95 هەتا 2000ێ، ئامادەكاری باشی هاتینەكرن، ئێك ژ وان سترانا دێ وەكو كلیپ هێتە بەلاڤكرن ب ناڤێ (برینا دلی) و دێ تێدا كارێ زارڤەكرنێ كەین.
هەروەسا گۆت: كارێ تۆماركرنێ ل ستودیۆیا زەكەر ل قامیشلۆ دهێتەكرن و چەندیین مۆزیكژەنێن باش د پشكدارن، دەمەكێ درێژە بەرهەڤی بۆ دهێنە كرن دا كارەكێ جوان پێشكێشی حەزژێكەرێن دەنگێ هونەرمەندێ نەمر بكەین، مەرەم ژ ڤی بەرهەمی نە بازرگانیە و سپۆنسەریا ڤی بەرهەمی ژی پەیجێ كۆ چەریێن غەرزا كۆ گوندێ هونەرمەند عەبدولواحدی یە بۆ كرییە.
