هژمارەک سەربازێن سووریێ ل رەققە هاتنە کوشتن
ناڤەندا چاڤدێریا مافێن مرۆڤی یا سووریێ راگەهاند، دوهی چەکدارێن رێکخستنا تیرۆرستی یا داعشێ ل رەققە ئێرشی هێزێن سووریێ و گرۆپێن چەکدارێن سەر ب ئیرانێ کرینە، د ئەنجاما ئێرشێ دا ١٠ سەرباز و چەکدارێن سەر ب ئیرانێ هاتینە کوشتن و هژمارەک ژی بریندار بووینە.
ناڤەندا چاڤدێریا مافێن مرۆڤی ئەو یەک ژی دیار کریە، دەمەکە ئێرشێن داعشێ ل حەما و رەققە زێدە بووینە و زانیاریێن ل بەر دەست ژی نیشا ددەن داعش خوە بۆ ئێرشێن نوو ئامادە دکەت، ئێرشا ڤێ دووماهیێ یا ل رەققە ژی نیشا ددەت نها داعشێ تا رادەیەکێ شیایە خوە رێکخستن بکەت، هەکە یا پێدڤی ل دژی داعشێ نەهێتە کرن، چەکدارێن وێ رێکخستنا تیرۆرستی جارەکا دی دشێن ل گەلەک دەڤەرێن جودا جودا ل سووریێ ئێرشی خەلکێ سڤیل بکەن، ژ بەر هندێ ژی دڤێت هەڤپەیمانیا نێڤدەولەتی یا شەڕێ ل دژی داعشێ دەست ب ئۆپەراسیۆنێن خوە ل باکورێ سووریێ بکەت.
