هژمارەک ژ پەرلەمانتارێن ئیرانێ هۆشداریێ ددەنە سەرۆک کۆماری
هژمارەک ژ ئەندامێن پەرلەمانێ ئیرانێ سەبارەت ب قەیرانا ئاڤێ و خرابیا رەوشا ژیانا وەلاتیان هۆشداری دانە ئیبراهیم رەئیسی سەرۆک کۆمارێ ئیرانێ و داخواز کرن ل هەمبەر رەوشا نها یا خراب دەولەت بێدەنگ نەمینیت و دڤێت کار بۆ چارەسەرکرنا قەیرانا ئاڤێ ل ئیرانێ بهێتە کرن.
ئەندامێن پەرلەمانێ ئیرانێ دیار کرینە نها گەلەک رووبار و ژێدەرێن ئاڤێ ل دەڤەرێن جودا جودا یێن ئیرانێ هشک بووینە و ژ بەر هندێ ژی خەلک ژ نەچاریێ بەرێ خوە ددەنە باژێران، رەوشا ژیانا وان کەسان گەلەک خرابە و هەکە دەولەت یا پێدڤی نەکەت د چەند سالێن بهێت دا دێ ئیران تووشی قەیرانەکا گەلەک مەزن بیت و وی دەمی ژی چارەسەرکرنا وێ دێ گەلەک یا ب زەحمەت بیت.
