هۆزڤان زاهد: دگەل توندوتیژیا دژی دادڤانان نینن و رێزێ ل بڕیارێ دگرین
ئەڤرۆ
رەمەزان زەکەریا:
د داخوایانیەكێدا سەرپەرشتێ یانەیا ئاكرێ یا وەرزشی ئاشكراكر بڕیارا ئێكەتیا تەپا پێی یا كوردستانی ب خوسارەتكرنا تیما مە بەرانبەر برایەتی د بەرژوەندیا مە دا نەبوو، هەرچەندە بڕیارا وان ل دووڤ رێنمایان بوو كو ئەو روودانا بەرانبەر دادڤانی پەیدابوویی و رێزێ لێدگرین.
زێدەتر ناڤهاتی گۆت: دڤیابا ئێكەتیا تەپا پێی یا كوردستانێ دووڤچوونا ئەوان روودانێن بەری یا دادڤانی كربا ژوانا دو لێدانێن دروست یێن پەنەلتیا بۆ ئاكرێ نە هژمارتن و بشێوێ ڤیدیۆ بۆ وان هاتینە هنارتن كو ئەڤ حالەتێ نە هژمارتنا پەنەلتیان، دیسان حالەتەكێ دی دادڤانێ ناڤەراست كۆرنەرەك بۆ تیما برایەتی هژمارت لێ دادڤانێ دویێ ب لێدانا پەنەلتیەكا سەیر بۆ برایەتی ئالایێ خوە بلندكر، هەروەسان د حالەتەكێ دی دا تەپە ب دەستێ یاریزانێ برایەتی كەڤتبوو و ئەو ژی بۆ ئاكرێ ب پەنەلتی نە هژمارتن، ئەڤە هەموو حالەتە بوونە ئەگەر هندەك كەسێن ژ دەرڤەیی یاریگەهێ تۆندۆتیژی دژی دادڤانی كر ب هاڤێتنا بەران بۆ ناڤ یاریگەهێ دا.
هۆزڤان زاهد گۆت: پشتی ئەو دربێ بەری ب سەرێ دادڤانی كەفتی یاری هاتە راوەستاندن و ئێكەتیا تەپا پێی یا كوردستانێ ل دووڤ یاسا هاتیە دانان هەردەمێ دادڤانەك بهێتە ئێشاندن تیما ئالۆزی پەیداكری دێ ب 3-0 خوسارەت هێتە هژمارتن و ئەڤ بریارە هاتە دان و چو ناهێتە گوهۆڕین.
