هۆزڤان زاهد: وه‌رزش بڤی ره‌نگی نا هێته كرن و دوور نینه خوه خوه ڤه‌كێشین
ئه‌ڤرۆ،
ئه‌ندامێ كارگێریا یانا ئاكرێ یا وه‌رزشی دیاركر ژبه‌ر ئه‌وا غه‌درا ژلایێ دادڤانێن هه‌ردو یاریێن وان یێن بوری ژ خولا پلا ئێكا كوردستانێ گه‌فا خوه ڤه‌كێشانا تیما خوه یا ته‌پا پێی د خولێ دا كرینه هه‌كه ئه‌ڤ غه‌دره به‌رده‌وامبیت.
زێده‌تر د داخویانیه‌كا تایبه‌ت دا هوزه‌ڤان زاهد بۆ رۆژناما ئه‌ڤرۆ گوت: بۆ یاریا دویێ ئێكه‌تیا ته‌پا پێی غه‌دره‌كا سۆر ل تیما مه دكه‌ن سه‌رباری به‌ری یاریا ل گه‌ل سێمێلێ ئه‌وا ئێكشه‌مبیا بوری هاتیه ئه‌نجامدان مه هۆشداری دابوو ئێكه‌تیێ كو دڤێت دادڤانێن ده‌رڤه‌یی پارێزگه‌هێ یاریێ بڕێڤه ببه‌ن لێ ب چو ڤه نه‌وه‌رگرتن و ئه‌گه‌رێ سه‌ره‌كی یێ خوساره‌تیا مه خه‌له‌تیێن كۆژه‌ك و به‌رچاڤ یێن دادڤانێن یاریێ بوون ئه‌ڤچه‌نده ژی ئه‌م رازی نابین ژبه‌ركو تیما مه سه‌رێ لیستێ یه و هه‌ڤڕكێ مه یانا برۆسكه كو نێزكی سه‌رۆكێ ئێكه‌تیا ته‌پا پێی یه و تڕسا مه یاریێن مایی ژی ئه‌ڤ خه‌له‌تیه به‌رده‌وام بن دا بنه ڕێگر لسه‌ر پاراستنا سه‌رێ لیستێ و ده‌ربازبوونا مه بۆ پلا نایاب.
هه‌روه‌سا ناڤهاتی گوت: ل گه‌ل ئێكه‌تیا ته‌پا پێی بابه‌ت هاتیه به‌حسكرن و هه‌موو به‌لگه‌یێن ڤیدیویێ هاتینه كۆمكرن كو چه‌وا دادڤان غه‌درێن به‌رچاڤ دژی یانا مه دكه‌ن و گۆلێن دروست نا هژمێرن و یاریا مه یا ل گه‌ل سێمێلێ د رۆژا ئه‌نجامدانا یاریێ دادڤان هاتبوونه گوهۆرین بێی رازیبوونا مه و هه‌كه خه‌له‌تی بڤی ره‌نگی و دژاتی به‌رده‌وامبیت هه‌ر ژ یاریا بهێت مه هه‌لویستێ خوه دانایه كو دێ خوه ژ خولێ ڤه‌كێشین ژبه‌ركو ئه‌ڤه نه وه‌رزشه دهێته بڕێڤه‌برن و خوه ڤه‌كێشان باشتره ژ پشكداریێ.
