هۆزڤان زاهد: ڕێزێ ل بڕیارێ دگرین و د بەرهەڤین بۆ سەركەڤتنێ
رەمەزان زەكەریا
د داخویانیەكێ دا سەرپەرشتیارێ تیما فوتبۆلا یانەیا ئاكرێ ئاشكراكر د بڕیارەكا نوو و چاڤەڕێنەكری دا، فدراسیۆنا فوتبۆلا پارێزگەهێ و یا ئیراقێ بڕیارا دوبارەكرنا یارییا د ناڤبەرا هەردو تیمێن یانەیێن ئاكرێ و پیرس دا كو دبیتە یاریە كو ب یارییا ئێكلاكەر دهێتە ناسین ژ چارچووڤەیێ كۆما پارێزگەها دهۆكێ ژ خولا پلا سێیێ دەربازبوون بەر ب قووناغا دووماهیێ و دەربازبووون بۆ پلا دو یا ئیراقێ، ئەوا بڕیارە ئەڤ یارییە ل حەفتییا بهێت بهێتە كرن.
زێدەتر هۆزڤان زاهد بۆ رۆژناما ئەڤرۆ گۆت: پشتی سكالایا یانەیا پیرس ل سەر ئەنجامێ یارییا بەری نوكە هاتیە كرن ب بوهانا هەبوونا سەرپێچیان ژلایێ یانەیەكا دیڤە و ئەڤ سكالایە سەرگرتی تێدا ئەم زەرەمەند بووین، فدراسیۆنا فوتبۆلێ بڕیار دا یاری دوبارە ببیت، هەرچەندە كارگێریا یانەیا ئاكرێ ب تەمامی پابەندی بڕیارێن فەرمی یێن فدراسیۆنێ بوویە و دێ ب گیانەكێ وەرزشی و ب رێزگرتن ل یاسایان پێشوازیێ ل ڤێ دوبارەكرنێ كەن.
ناڤبری گۆتژی: د ناڤ رێزێن یانا ئاكرێ دا چاڤ ل سەر دەستەیا راهێنەرانە كا دێ ب چ پلان و پێكهاتە بەرانبەر یانەیا پیرس بن بڕیارا دووماهیێ ل سەر پێكهاتەیێ یاریزانان د دەستێ راهێنەری دایە دا كو بشێت باشترین ئەنجام ب دەست ڤە بینیت.
سەرپەرشتێ تیمێ گۆت ژی: پشكداریكرن نە ئارمانجا مەیە، چاڤێ مە ل دەستڤەئینانا سێ خالێن یاریێ یە و دەربازبوون بۆ قووناغا دویێ، ئارمانجا مەزن سەركەفتنە بۆ خولا پلە دو یا ئیراقێ، ئەڤ یاریە بۆ جەماوەرێ هەردو یانەیا گرنگیەكا تایبەت هەیە، ئەنجامێ وێ دێ چارەنڤیسێ وەرزێ وان یێ وەرزشی دیار كەت.
