هۆزەڤان زاهد: ب تنێ هێرشبەرەك مایە و چو كەمپێن دەرڤە نا دانین
قەیس وەیس:
د داخویانیەكێ دا ئەندامێ كارگێرییا یانەیا ئاكرێ یا وەرزشی دیار كر بۆ وەرزێ نوو 2023-2024 یا خولا پلا نایابا كوردستانێ دەست بەرهەڤییان هاتییە كرن و هەمی یاریزان هاتینە ب تنێ هێرشبەرك مایە ئەو ژی د نێزیك دا پشتی ب گەهینە رێكەفتنێ بهێتە دناڤ رێزێن تیمێ دا.
هۆزەڤان زاهد بۆ رۆژنامەیا ئەڤرۆ گۆت: وەرزێ نوو تیما مە دێ ب شێوەكێ جودا و باشتر پشكداری خولا كوردستانێ بیت، سەرباری پرانییا یانەیێن پشكدار ژی بەرهەڤیێن خوە كرینە لێ گەشبینن ئەم دێ باشتر و نە بتنێ بۆ پشكداریێ بەلكو بۆ هەڤڕكییا رێزێن پێشیێ ژی كەین، ژبەركو پشتی بەرێز مەسرۆر بارزانی سەرۆكێ حوكمەتا هەرێما كوردستانێ بەرهەڤییا خوە بۆ پشتەڤانییا یانەیا ئاكرێ دیاركری و یاریگەها مە نووژەنكری گەشبینی ل دەڤ یانەیێ و هەمی وەرزشڤانێن ئاكرێ پەیدابوویە ئەڤ سالە وەرزشا مە باشتر بیت.
هەروەسان ناڤهاتی ئەوچەندە دیاركر د ڤێ حەفتیێ دا تیما وان یا تەپا پێی دەست ب راهێنانان كرییە و بڕیار هاتیە دان چو كەمپێن دەرڤە و هەتا ل هەولێری ژی نە هێتە دانان و گۆت: د نوكە دا ئەم دانۆستاندنێ دگەل هێرشبەرەكێ بیانی دكەین كو بتنێ ئەو یاریزان مایە رێزێن تیما مە ب دووماهی بینت.
بۆ زانین یانەیا ئاكرێ گرێبەست دگەل راهێنەرێ رەكەز سوری یونس سلێمان ئێمزاكریە و هاریكارێ وی كوڕێ باژێرێ ئاكرێ هەژار سابر دێ دگەل دایە، هەروەسان راهێنەرێ گۆلپارێزان فەرید سەفا ناجی و یێ شیانێن چەستەیی د. ئەوس محەمەد ئەلحیجازی.
