هۆلندا هەلویستێ خوە ل دژی تورکیا راگەهاند
ئەڤرۆ نیوز ، زنار تۆڤی:
حوکمەتا هۆلندا رادگەهینیت،کو ئەو رێکێ ب بالیۆزی توركیا نادەن،کو ل ئەمسترداما پایتەختێ وی وەلاتی دەست ب كار بیت و بالیۆزێ وەلاتێ خوە ژی ل تورکیا ڤەکێشایە،هەروەسا ئاماژە ب هندێ کریە،کو وان ئەو پەیامە دایە لایەنێ توركی ل لاهای.
وه‌زاره‌تا ده‌رڤە یا هولندا راگه‌هاندیە بزاڤ بۆ چاره‌سه‌ركرنا ناكۆکیێن دبلۆماسی یێن دناڤبەرا وان و توركیا دا شكەستن ئینایه.
وه‌زاره‌تا دەرڤە به‌یاننامەک ئه‌ڤرۆ دووشه‌مبی 5 شواتا 2018 ده‌ركریه و ئاماژه ب هندێ کریە،کو گفتوگۆیێن ڤێ دوماهیێ بۆ ئاسایكرنا په‌یوه‌ندیێن وان ل گه‌ل توركیا نه‌گه‌هشتینه چو ئارمانجان،د ئه‌نجامدا حوکمه‌تا هۆلندا ب فەرمی بالیۆزێ خوە ژ توركیا ڤەكێشا،هەروەسا گوتیه،بالیۆزێ هۆلندا نامینیته ل ئەنقەره،لەوما ئو ژی رێکێ نادەن،کو بالیۆزێ تورکیا بمینیته ل ئەمستردام.
په‌یوه‌ندیێن دناڤبەرا توركیا و هۆلندا ل سالا بوری تێكچووینه،ل وی دەمێ كو هۆلندا رێگری ل وه‌زیرێن توركیا كرین ل سەر ئاخا وەلاتێ وان بۆ كه‌مپینا ریفراندۆمێ ل توركیا بكه‌ن.
