هۆ ڕووبارۆ..
نایف مەحموود
هو بێ قەول، ئو بێ ژڤان
چ ب لەز هاتی
مینا لەهی و توفانا
ب سەر سەرێ مەدا هاتی
دین و هارۆ..
سەرێ ئاڤا تە ژێگرتی
وەكی قرش و گلێش و بەرداش و دارا
بورج و پر و، ئاڤاهی و كۆچك و تەلارا
تە ڕامالین، سەرو ژێر دگەل خۆ برن
هەی دلۆ خەمگین و ژارۆ..
ل بەندا گول و نێرگزا
بێهنا ڕیحان و هەلزا
دل بریندار و شەوتین
ئاڤ و بوركان
جەگەر و جان…دل لەرزین
چ هەواربوو..
ڕژیانا ڕۆندكا و زێمار بوو
ل باژێرێ من
نە شاهی بوو نە تازی بوو
قێڕی و هەوار و نالین بوو
پیر و جانێن نەورۆزا بوهارا سالێ
ببوون پەپۆك
ئێخسیرێن بەردەرێ مالێ
قیز و خورت و گەنج و لاوان
هیڤی لێ شەڤ ڕەشا تاری
ژیان لێ حەسرەت و تالان
ل بوهارا وەرزێ گولا
بو پایزا خەم و كولا
تە چ ژ مەبوو…تە هێلاین بێ مال و وارۆ
هۆ ڕووبارۆ..
ڕوژا مە ساهی و ئەلندبوو
بالگەهێ مە تژی خەون،
خۆشی و شادی و گرنژین بوو
مالا مە كۆچك و ئەیوان
دیوار و تاج و ئاڤەدان
تیك و دەرز و سەرو بن بوو
هەمی ب جارەكێ وێران بوو.
