هیلال 300 ملیۆن یۆرۆ بۆ مێسی به‌رهه‌ڤكرینه
ئه‌ڤرۆ،
بزاڤێن یانه‌یا هیلال یا سعۆدیێ ل سه‌ر رازیكرنا ستێرێ ئه‌رجه‌نتینی و یانه‌یا پاریس سانجێرمان یا فره‌نسی لیۆنێل مێسی به‌رده‌وامن و راگه‌هاندن و ناڤه‌ندێن وه‌رزشی یێن نێزیك ژ یانه‌یێ هه‌بوونا په‌یوه‌ندیێن تله‌فۆنی ل گه‌ل بریكارێ یاریزانی دۆپات كرینه ئه‌وێ دێ گرێبه‌ستا وی ل 30ێ خزیرانا بهێت ل گه‌ل پارێسێ ب دووماهی هێت.
راگه‌هاندكارێ یانه‌یا هیلال عه‌بدوللا ئه‌لفهێدی دیار كر نێزیك بوونه‌كا دناڤبه‌را لیۆنێل مێسی و یانه‌یا سعۆدیێ دا په‌یدابوویه و هیلال 300 ملیۆن یۆرۆ كو دبنه نێزیكی ملیاره‌ك و دوسه‌د ملیۆن ریالێ سعۆدی بۆ گرێبه‌ستا وی داناینه لێ هه‌ردو یانه‌یێن ئتیحاد و ئه‌هلی ژی هاتینه د ناڤ دانۆستاندنان دا له‌ما دبیت كۆژمه‌یێ گرێبه‌ستێ به‌ر ب زێده‌بوونێ بچیت و یانه‌یا هیلال نێزكتره بۆ گرێبه‌ستێ.
هه‌روه‌سان دیاركر شانده‌كێ تایبه‌ت یا یاریزانێ ئه‌رجه‌نتینی ژ پارێزه‌ر و كارگێریان گه‌هشتینه باژێرێ پایته‌ختێ سعۆدیێ ریازێ ژبۆ ڤه‌دیتنا جهی و چه‌ند بابه‌ته‌كێن دی و ئه‌ڤ پێزانینه 100% دروستن و دبیت چه‌ند خاله‌كێن كێم مابن بۆ رازیبوونێ و گرێبه‌ستا دیرۆكی بهێته ئیمزاكرن.
