هیچ دەمەكی من پارەیێ كارێ هونەری نەخواریە
سۆلین سلێمان:
سترانبێژ(نینا جەمال) كو خەلكا پارێزگەها سلێمانیێ یە، لێ ئەڤە چەند سالن ل وەلاتێ ئوسترالیا دژیت، د دیدارەكێ دا بۆ رۆژنامەیا ئەڤرۆ گۆت: سترانگۆتن حەزا من یا بەری چەندین سالان بوو، لێ دو بەهرەیێن دی ژی ل دەف من هەنە، ئەو ژی (ئەكتەری و نڤیسینا هەلبەستان و دانانا ئاوازان) و چەندین سترانێن خوە من ئاواز بۆ داناینە و ب كارێ خوە یا دلخۆشم و ئارامم، چنكو ئەز هەست پێ دكەم وەك سترانبێژ، هەروەسا وەك ئەكتەر ژی ل دووف شیانێن خوە من خزمەتا هونەرێ كوردی كریە و دێ یا بەردەوامبم.
هەروەسا گۆت: وەك ئەكتەر ل دەرڤەی وەلاتی من پشكداری د هژمارەكا فلمان دا كریە، وەكو سترانبێژ ژی من هژمارەكا سترانێن تۆماركری هەنە، ل گەل ئەلبۆما (عەشقی تۆم) كو ل سالا 2010 هاتیە بەلاڤكرن و ئەلبۆما (ئازاری خۆشەویستی) و بۆ زانین چو دەمەكی من پارێ كارێ هونەری نەخواریە، بەلكو هەر كارەكێ من كربیت مافێ من هاتیە خوارن و نوكە كاری ل سەر تۆماركرنا سترانەكا نوو دكەم، كو ل نێزیك دێ هێتە بەلاڤكرن و سوپاسیا خێزانا خوە دكەم.
